قازاقستاندىق بوكسشى WBA اتاعىنا تالاسادى

استانا. KAZINFORM - قازاقستاندىق كاسىپقوي بوكسشى بالاۋسا مۇزدىمان كەلەسى جەكپە-جەگىندە چەمپيوندىق تيتۋلعا تالاسادى، دەپ حابارلايدى Sports.kz پورتالى.

25-شىلدەدە تايلاندتىڭ بانگكوك قالاسىندا قازاقستاندىق سپورتشى ەڭ جەڭىل سالماقتا (55 كەلىگە دەيىن) WBA Asia بەلدىگى ءۇشىن جۇدىرىقتاسادى. ونىڭ قارسىلاسىنىڭ ەسىمى ءالى جاريالانعان جوق.

مۇزدىمان بۇعان دەيىنگى جەكپە-جەگىن 1-ماۋسىمدا الماتىدا وتكەن كاسىپقوي بوكس كەشىندە ۇندىلىك مونيكا سينگحتى ءبىرىنشى راۋندتا نوكاۋتقا تۇسىرگەن كەزدە وتكىزدى. بۇل جەڭىس 26 جاستاعى قازاقستاندىق بوكسشىعا BoxRec- ءتىڭ ەڭ جەڭىل سالماقتاعى رەيتينگىندە 115-ورىننان 95-ورىنعا كوتەرىلۋگە مۇمكىندىك بەردى.