قازاقستاندىق بوكسشى قىزدار وليمپياداعا دايىندىقتى پىسىقتاپ جاتىر
استانا. KAZINFORM - قازاقستاندىق بوكسشى قىزدار وليمپيادا ويىندارىنا دايىندىقتى پىسىقتاۋ ءۇشىن سوڭعى وقۋ-جاتتىعۋ جيىنىن باستاپ كەتتى.
قازاقستان بوكس فەدەراتسياسىنان ءمالىم ەتكەنىندەي، الماتى وبلىسىندا ءوتىپ جاتقان جيىندا باپكەرلەر تاكتيكالىق جانە پسيحولوگيالىق باعىتقا باسىمدىلىق بەرۋدە.
بارلىعى 28 بوكسشى شەبەرلىگىن ۇشتاپ جاتسا، ونىڭ ىشىندە ءۇش سپورتشى وليمپياداعا قاتىسادى: نازىم قىزايباي، كارينا يبراگيموۆا جانە ۆالەنتينا حالزوۆا.
تاعى ءبىر ايتا كەتەرلىك جايت، پاريجگە ءار سالماقتا جاردەمدەسەتىن سپورتشىلار دا اتتانادى.
سپاررينگ سەرىكتەستەر:
50 كەلى. گۇلنار تۇراپباي،
57 كەلى. جاينا شەكەربەكوۆا،
75 كەلى. جاسمين قيزاتوۆا.
ايەلدەر كومانداسى فرانسياعا 21-شىلدە كۇنى جولعا شىعادى.
ەسكە سالا كەتەيىك، بۇدان بۇرىن وليمپيادادا قازاقستاندىق بوكسشى قىزداردىڭ كىمدەرمەن جۇدىرىقتاساتىنىن جازعان بولاتىنبىز.
