قازاقستاندىق بوكسشى ازيا چەمپيوناتىندا قارسىلاسىن نوكاۋتقا ءتۇسىرىپ، فينالعا شىقتى

استانا. KAZINFORM - قازاقستاندىق سپورتشى، بوكستان جاستار اراسىنداعى الەم چەمپيونى ەلينا بازاروۆا استانادا ءوتىپ جاتقان 23 جاسقا دەيىنگى سپورتشىلار اراسىنداعى ازيا چەمپيوناتىندا جارتىلاي فينالدىق جەكپە-جەگىن وتكىزدى. بۇل تۋرالى Sports.kz جازدى.

54 كەلىگە دەيىنگى بوكسشىلار اراسىنداعى كەزدەسۋدە قازاقستاندىق بوكسشى تاجىكستان سپورتشىسى فوتيما بەكمۋرادوۆامەن جەكپە-جەك وتكىزدى. ناتيجەسىندە قارسىلاسىن ەكىنشى راۋندتا نوكاۋتقا ءتۇسىرىپ، سەنىمدى تۇردە جەڭىسكە جەتتى.

ەندى ەلينا بازاروۆانىڭ فينالداعى قارسىلاسى - ءۇندى بوكسشىسى پرەەتي پرەەتي.

ايتا كەتەيىك، ازيا چەمپيوناتى 27-ساۋىردە باستالدى، 7-مامىردا اياقتالادى.