قازاقستاندىق بايلانىس سپۋتنيكتەرىنىڭ جاڭا لەگى بولۋى ءتيىس - دەپۋتاتتار
ق ر پارلامەنت سەناتىنىڭ دەپۋتاتتارى رەسپۋبليكالىق عارىشتىق بايلانىس ورتالىعىنىڭ (ر ع ب و) ماماندارىمەن كەزدەسىپ، وزەكتى ماسەلەلەردى تالقىلادى، دەپ حابارلايدى Kazinform.
سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ دەپۋتاتتارى اقمولا وبلىسىنىڭ اقكول قالاسىندا ورنالاسقان «اقكول» عارىشتىق بايلانىس ورتالىعىنىڭ جۇمىسىمەن تانىسۋ ماقساتىندا كوشپەلى وتىرىس وتكىزدى. ەلىمىزدى بايلانىسپەن قامتاماسىز ەتەتىن «Kazsat» قازاقستاندىق سپۋتنيكتەرىنە باسقارۋ ءدال وسى جەردەن جۇرگىزىلەدى.
مۇندا ات باسىن بۇرعان سەنات كوميتەتىنىڭ ءتوراعاسى اندرەي لۋكين دەپۋتاتتاردىڭ ءىس ساپارىنىڭ ماقساتىنا توقتالدى. ۇلتتىق عارىشتىق بايلانىس جۇيەسىن دامىتۋ، سپۋتنيكتەردىڭ ءتيىمدى جۇمىسى، بارلىق قازاقستاندىقتى ساپالى ينتەرنەتپەن قامتاماسىز ەتۋ ءۇشىن قانداي قولداۋ قاجەت - دەپۋتاتتار تانىسپاق بولعان سۇراقتار وسى. سەناتورلار جاقىندا وتكەن «Digital Bridge» تەحنولوگيالىق فورۋمىندا مەملەكەت باسشىسى قاسىم- جومارت توقايەۆ جۇكتەگەن تاپسىرمالار لەگىن ەسكە سالدى. اتاپ ايتقاندا، پرەزيدەنت ۇكىمەتتىڭ الدىنا 2025 -جىلعا دەيىن ەلىمىزدىڭ بارلىق وبلىس ورتالىعىن جاڭا بۋىندى ۇيالى بايلانىسپەن قامتۋ جۇمىسىن جەدەلدەتۋدى تاپسىرعان بولاتىن.
«بۇگىندە 6200 گە جۋىق اۋىل بار. سونىڭ 3 مىڭىن 2027 -جىلعا دەيىن قولجەتىمدى ينتەرنەتپەن قامتاماسىز ەتۋىمىز كەرەك. ول ءۇشىن ينفروقۇرىلىمدى دامىتۋ ماڭىزدى. جاقىندا عانا پرەزيدەنتتىڭ قاتىسۋىمەن جيىن ءوتتى. وندا وسى ماسەلەلەردىڭ بارلىعى كوتەرىلدى، ناقتى تاپسىرما جۇكتەلدى. وعان ساي، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ارنايى ۇلتتىق جوبا دايىندادى»، - دەدى سەنات دەپۋتاتى عالياسقار سارىبايەۆ.
سەناتورلارعا بايلانىس مونيتورينگى ورتالىعى جۇيەسىنىڭ تەحنيكالىق جاراقتاندىرىلۋ دەڭگەيى جايلى اقپارات ۇسىنىلدى. بۇگىنگى تاڭدا رعبو قىزمەتتەرىن 17 بايلانىس وپەراتورى پايدالانادى. ولاردىڭ ىشىندە «Astel» اق، «قازتەلەراديو» اق، «كار- تەل» ج ش س، «قازاقتەلەكوم» ا ق، «الماتەلەكوممۋنيكەيشنس» ج ش س سياقتى كومپانيالار بار.
ورتالىقتا دەپۋتاتتار تاۋلىك بويى ونلاين رەجيمىندە جۇمىس ىستەيتىن «Kazsat-2»، «Kazsat-3» سپۋتنيكتەرىمەن بايلانىس سەانسىن تاماشالادى.
«بۇگىندە الەمدە 200 گە جۋىق مەملەكەت بار. سول ەلدەردىڭ بارلىعىنىڭ وسىنداي سپۋتنيكتەرى جوق. الدىڭعى قاتارلى 11 دەرجاۆادا عانا سپۋتنيكتەر بار. وسى ەلدەردىڭ قاتارىنا قازاقستاننىڭ كىرۋى - وراسان جەتىستىك. ءبىزدىڭ «Kazsat-1» ءوزىنىڭ رەسۋرسىن تاۋىستى. «Kazsat-2» «Kazsat-3» جۇمىس ىستەپ جاتىر. بولاشاقتا «Kazsat-3R» كەشەنىن قۇرۋ ءۇشىن جۇمىستاردى قولعا الۋىمىز كەرەك. ياعني، ول 2027 -جىلدان باستاپ جۇمىس ىستەۋى ءتيىس»، - دەدى عالياسقار سارىبايەۆ.
ر ع ب و اق باسقارما ءتوراعاسى مالىك جۇيرىكتايەۆ دەپۋتاتتارعا قازاقستاننىڭ تۇڭعىش ۇلتتىق عارىشتىق بايلانىس جانە حابار تاراتۋ جۇيەسى ەكى بايلانىس سپۋتنيگى ارقىلى جۇمىس ىستەپ تۇرعانىن ايتتى. نەگىزگى باسقارۋ اقمولا وبلىسىنداعى «اقكول» عارىشتىق بايلانىس ورتالىعىنان جۇرگىزىلەدى. ال رەزەرۆتىك باسقارۋ الماتى وبلىسىنداعى «كوكتەرەك» عارىشتىق ورتالىعىندا ورنالاسقان.
«ر ع ب و وپەراتور رەتىندە ەلدىڭ تەلەحابار تاراتۋ، بايلانىس، ينتەرنەت جەلىسىنە قاجەتتىلىگىن %100 قامتاماسىز ەتەدى. قازاقستاننىڭ عارىشتىق بايلانىسى - بۇل ەل وپەراتورلارى ءۇشىن عارىشتىق بايلانىس قىزمەتتەرىن ۇسىنۋ عانا ەمەس، سونىمەن قاتار مەملەكەتتىڭ اقپاراتتىق دەربەستىگىن قامتاماسىز ەتۋ، ەل ەكونوميكاسىنا ناقتى ۇلەس قوسۋ»، - دەپ اتاپ ءوتتى ر ع ب و ا ق باسقارما ءتوراعاسى مالىك جۇيرىكتايەۆ.
بۇگىندە قازاقستان اۋماعىندا عارىشتان سيگنال قابىلدايتىن 15 مىڭنان استام ستانتسيا بار. ءبىزدىڭ سپۋتنيكتەردىڭ قىزمەتىن تاجىكستان مەن قىرعىز رەسپۋبليكاسىنىڭ وپەراتورلارى دا پايدالانادى.
بۇعان دەيىن جەتۋ قيىن قالا مەن اۋىلداردى سپۋتنيك ارقىلى تىكەلەي بايلانىسپەن قامتۋ جونىندەگى پيلوتتىق جوبا ىسكە قوسىلعان ەدى. وسىنىڭ ناتيجەسىندە 504 ەلدى مەكەننىڭ 176 سى ينتەرنەتكە قول جەتكىزدى.
كوشپەلى وتىرىس بارىسىندا دەپۋتاتتار اەروعارىش كوميتەتىنىڭ ءتوراعاسى باۋبەك ورالماعامبەتوۆكە «بايقوڭىر» كەشەنىنىڭ جۇمىس ىستەۋى، قازاقستاننىڭ عارىش سالاسىن دامىتۋدىڭ پەرسپەكتيۆالىق جانە پروبلەمالىق ماسەلەلەرى بويىنشا سۇراق قويدى. جيىندى قورىتىندىلاي كەلە، سەناتورلار ر ع ب و- نىڭ اۋىلداردى ينتەرنەتپەن قامتاماسىز ەتۋ ماسەلەسىن جەدەل شەشۋگە قاتىسۋى ماڭىزدى ەكەنىن اتاپ ءوتتى. بۇل باعىتتا دەپۋتاتتار قولدانىستاعى زاڭنامانى جەتىلدىرۋ ىسىنە جاردەمدەسپەك.
