16:30, 04 - قازان 2023 | GMT +5
قازاقستاندىق بالۋان ازيا ويىندارىنىڭ كۇمىس جۇلدەگەرى اتاندى
قىتايدىڭ حاڭجوۋ قالاسىندا ءوتىپ جاتقان ازيا ويىندارىندا قازاقستاندىق مەيىرجان شەرماحانبەت گرەك-ريم كۇرەسىنەن كۇمىس جۇلدەگە يە بولدى، دەپ حابارلايدى قازاقپارات ءتىلشىسى.

قازاقستاندىق بالۋان 67 كەلىگە دەيىنگى سالماقتا فينالدا جاپونيالىق كاتسۋاكي ەندومەن كىلەمگە شىقتى.
تارتىستى وتكەن بەلدەسۋ بارىسىندا مەيىرجان مەديتسينالىق كومەككە دە جۇگىندى.
اقىرى 4:3 ەسەبىمەن جاپوندىق بالۋان جەڭىسكە جەتسە، مەيىرجان شەرماحانبەتكە كۇمىس بۇيىردى.
تاعى ءبىر قازاقستاندىق ايدوس سۇلتانعالي 60 كەلىگە دەيىنگى سالماقتا قولا جۇلدە ءۇشىن باسەكەدە سولتۇستىك كورەيالىق ري سە ۋنگە 1:2 ەسەبىمەن جول بەردى.
ەسكە سالا كەتەيىك، بۇدان بۇرىن مەيىرجان شەرماحانبەتتىڭ گرەك-ريم كۇرەسىنەن فينالعا جولداما العانىن جازعان ەدىك.
سونداي-اق بوكسشى كارينا يبراگيموۆا فينالعا شىقتى.