قازاقستاندىق اۋىر اتلەت الەم چەمپيوناتىنان كەيىن ازيادا التىن الدى

استانا. قازاقپارات - قازاقستاندىق اۋىر اتلەت الەكسەي چۋركين دوحادا (قاتار) ءوتىپ جاتقان جاستار اراسىنداعى ازيا چەمپيوناتىندا جەڭىمپاز اتاندى.

الەكسەي چۋركين جارىستا 89 كەلىگە دەيىنگى سالماق دارەجەسىندە جەڭىسكە جەتتى. قوسسايىستىڭ ناتيجەسى بويىنشا ول 360 (163+197) كەلى كوتەردى.

ەكىنشى ورىندى يراندىق يليا سالەحيپۋر 356 (161+195) كەلى كوتەرىپ ەنشىلەدى. قولا جۇلدەنى دە يراندىق اۋىر اتلەت يەلەندى. ابباسپۋر اليرەزا 355 (159+196) كەلىمەن ۇشتىكتى تۇيىندەدى.

ايتا كەتەيىك، جاقىندا عانا ماناما قالاسىندا وتكەن ەرەسەكتەر اراسىنداعى الەم چەمپيوناتىندا الەكسەي چۋركين كۇمىس جۇلدەگە يە بولعان ەدى.