قازاقستاندىق پاراۆولەيبولشىلار العاش رەت ازيا چەمپيونى اتاندى

استانا. KAZINFORM - قىتايدىڭ حاڭجوۋ قالاسىندا ۆولەيبولدى وتىرىپ ويناۋدان ازيا چەمپيوناتىندا قازاقستان قۇراماسى جەڭىمپاز بولدى.

قازاقستاندىقتار فينالدا قىتاي قۇراماسىمەن التىن جۇلدەنى ساراپقا سالدى.

العاشقى ەكى پارتيادا الاڭ يەلەرى 25:15، 25:19 ەسەبىمەن باسىم ءتۇستى.

ۇشىنشىسىندە قازاقستاندىقتار 25:19 ەسەبىمەن ەسە قايىردى.

ءتورتىنشى سەتتە الدىمەن قىتايلىقتار 10:5 ەسەبىمەن العا كەتتى. دەگەنمەن باۋىرجان تاحاۋوۆتىڭ شاكىرتتەرى تارازى باسىن تەڭەستىرىپ، كەيىن ءوز پايداسىنا جازدى - 25:20.

شەشۋشى، بەسىنشى پارتيادا قازاقستاندىقتاردى قىتايلىقتار توقتاتا المادى - 15:8. قورىتىندى ەسەپ - 3:2.

وسىلايشا، ۆولەيبولدى وتىرىپ ويناۋدان قازاقستان قۇراماسى كامبەك جاساپ، العاش رەت ءوز تاريحىندا ازيا چەمپيونى اتاندى.

- ءوز شاكىرتتەرىمە ريزامىن. جىگىتتەر جاقسى ويىن ورنەگىن كورسەتە ءبىلدى، - دەدى قازاقستان قۇراماسىنىڭ باس باپكەرى باۋىرجان تاحاۋوۆ.

وتكەن جىلى پاريج پاراليمپياداسىنا قاتىسىپ، بەسىنشى ورىنعا تابان تىرەگەن قازاقستاندىق پاراۆولەيبولشىلار بيىن وسىنداي تاريحي تابىسقا جەتىپ وتىر.

ەسكە سالا كەتەيىك، بۇدان بۇرىن ۆولەيبولدى وتىرىپ ويناۋدان ازيا چەمپيوناتىندا قازاقستاننىڭ التىن ءۇشىن تالاساتىنىن جازعان بولاتىنبىز.