08:10, 13 - قازان 2023 | GMT +5
قازاقستاندىق الەمنىڭ ەڭ مىقتى شاحماتشىسىن جەڭىپ كەتتى جانە ءوزى وعان سەنە الار ەمەس
23 جاستاعى اليشەر سۇلەيمەنوۆ دوحاداعى Qatar Masters Open تۋرنيرىندە اپسەت جاسادى، دەپ حابارلايدى Kazinform «سپورت شرەدينگەرا» Telegram-ارناسىنا سىلتەمە جاساپ.

FIDE باسەكەسىنىڭ ەكىنشى رەيتينگىندە سۇلەيمەنوۆ 528-ورىندا تۇر. ال ماگنۋس كارلسون ءبىرىنشى ورىندا.
«مەنىڭ كوڭىل-كۇيىم قالاي دەيسىزدەر مە؟ ايتارعا ءسوزىم جوق. بۇلاي بولعانىنا ءالى سەنە الار ەمەسپىن. ويىن الدىندا ونىمەن تەڭ ءتۇسۋدىڭ ءوزى عاجايىپ بولار ەدى دەپ ويلاعام. بۇنى باپكەرىم دە ايتتى ماعان»، - دەپ اعىنان جارىلدى شاحماتشى.
اليشەر سۇلەيمەنوۆ پاۆلداردىڭ تۋماسى. وتكەن جىلى ول شاحمات وليمپياداسىندا ەل قۇراماسى ساپىندا ونەر كورسەتتى.