قازاقستانداعى ورتاشا زەينەتاقى مولشەرى بەلگىلى بولدى

استانا. قازاقپارات - 2025-جىلى رەسپۋبليكالىق بيۋجەتتەن 4 تريلليون 225 ميلليارد تەڭگە كولەمىندە زەينەتاقى تولەندى.

ەڭبەك جانە حالىقتى الەۋمەتتىك قورعاۋ مينيسترلىگى مالىمەتىنشە، ونىڭ ىشىندە بازالىق زەينەتاقى تولەۋگە 1368,4 ميلليارد تەڭگە، ىنتىماقتى زەينەتاقى تولەۋگە 2856,6 ميلليارد تەڭگە قاراستىرىلعان.

2025-جىلدىڭ قورىتىندىسى بويىنشا زەينەتكەرلەر سانى - 2 ميلليون 491 مىڭ ادام.

«2025-جىلدىڭ قورىتىندىسى بويىنشا جيىنتىق زەينەتاقىنىڭ ورتاشا مولشەرى - 143143 تەڭگە، ىنتىماقتى زەينەتاقى مولشەرى - 95549 تەڭگە، بازالىق زەينەتاقى مولشەرى - 47594 تەڭگە»، - دەپ جازىلعان حابارلامادا.

ەسكە سالايىق، بۇعان دەيىن الداعى ءۇش جىلدا قازاقستاندا زەينەتاقى مولشەرى قالاي وزگەرەتىنى حابارلاندى.