قازاقستانداعى مۇعالىمدەردىڭ كوبى - مودەراتور مەن ساراپشى

استانا. KAZINFORM - قازاقستان مەكتەپتەرىندە 398854 پەداگوگ جۇمىس ىستەيدى. بۇل جايىندا وقۋ-اعارتۋ مينيسترلىگىنەن حابارلاندى.

ونىڭ ىشىندە 91878 مودەراتور، 87685 ساراپشى، 76021 زەرتتەۋشى، 3566 شەبەر بار.

ەسكە سالا كەتەيىك، بۇعان دەيىن تۇلەكتەر ءجيى تاڭدايتىن ماماندىق - مۇعالىم ەكەنىن حابارلاعان بولاتىنبىز.

بۇگىندە باتىس قازاقستان وبلىسىندا - 245 مۇعالىم، ال شىعىس قازاقستاندا - 132 ۇستاز جەتىسپەيدى.

ال ماڭعىستاۋ وبلىسىندا جالعان ديپلوممەن جۇمىس ىستەگەن 60 مۇعالىم جۇمىستان بوساتىلدى.

بۇعان دەيىن اتىراۋ وبلىسىندا ساتىپ الىنعان جالعان ديپلوممەن جۇمىس ىستەپ كەلگەن 80-نەن استام مۇعالىم انىقتالعان بولاتىن.

ق ر عىلىم جانە جوعارى ءبىلىم مينيسترلىگىنىڭ جوعارى جانە جوعارى وقۋ ورنىنان كەيىنگى ءبىلىم كوميتەتى جوعارى ءبىلىم تۋرالى جالعان ديپلومدارعا قاتىستى قانداي جازا قاراستىرىلعانىن ءتۇسىندىردى.