قازاقستاندا «ۇزدىك پەداگوگ» بايقاۋى باستالدى
استانا. KAZINFORM - ءبىلىم كۇنى قارساڭىندا ەلىمىزدە «ۇزدىك پەداگوگ» بايقاۋى باستالدى. جەڭىمپازدارعا 3 ميلليون 692 مىڭ تەڭگە كولەمىندە سىياقى بەرىلەدى.
ق ر وقۋ-اعارتۋ مينيسترلىگى باسپا ءسوز قىزمەتىنىڭ حابارلاۋىنشا، بايقاۋعا مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ شتاتتاعى پەداگوگتەرى قاتىسا الادى.
كونكۋرس ءۇش كەزەڭنەن تۇرادى:
1- كەزەڭ - اۋداندىق، قالالىق دەڭگەي (8-21 -تامىز)؛
2 -كەزەڭ - وبلىستىق دەڭگەي (22 -تامىز- 10 -قىركۇيەك)؛
3 -كەزەڭ - رەسپۋبليكالىق دەڭگەي (11 -قىركۇيەك - 18 -قازان).
ەكى كەزەڭنىڭ قورىتىندىسى بويىنشا ەڭ جوعارى ۇپاي جيناعان پەداگوگتەر رەسپۋبليكالىق دەڭگەيگە وتەدى. بايقاۋعا قاتىسۋعا وتىنىمدەردى قابىلداۋ، تىركەۋ، كونكۋرس قۇجاتتارىن تاپسىرۋ، باعالاۋ uzdikustaz-nobd.edu.kz ۆەب- پورتالىندا جۇزەگە اسىرىلادى.
«ۇزدىك پەداگوگ» رەسپۋبليكالىق كونكۋرسى 2012 -جىلدان بەرى وتكىزىلىپ كەلە جاتقان ءداستۇرلى بايقاۋ. سوندىقتان ماڭىزى زور. وسى ۋاقىتقا دەيىن 700-گە جۋىق جۇزدەن جۇيرىك، مىڭنان تۇلپار اتانعان مىقتىلار انىقتالدى. «ۇزدىك پەداگوگ» اتاعىنا ءبىلىم بەرۋ ۇيىمدارىندا جۇمىس ىستەيتىن جانە قۇجاتتاردى تاپسىرۋ كەزىندە كەمىندە بەس جىل ۇزدىكسىز پەداگوگيكالىق ءوتىلى بار پەداگوگتەر ۇمىتكەر بولا الادى. بۇل - بالاباقشا، مەكتەپ، كوللەدج مۇعالىمدەرى. بايقاۋ اياسىندا مۇعالىمنىڭ ءبىلىم سالاسىن دامىتۋعا قوسقان ۇلەسى، ۇستاز قىزمەتىنىڭ تيىمدىلىگى مەن ونىڭ كاسىبي شەبەرلىگى ەسكەرىلەدى»، - دەدى ق ر وقۋ-اعارتۋ مينيسترلىگى ورتا ءبىلىم بەرۋ كوميتەتىنىڭ ءتوراعاسى قانىبەك جۇماشيەۆ.
ايتا كەتەيىك، «ۇزدىك پەداگوگ» اتاعىنىڭ يەگەرلەرىنە 1000 ا ە ك كولەمىندەگى اقشالاي سىياقى عانا ەمەس، توسبەلگىلەر دە بەرىلەدى. بايقاۋ ەرەجەلەرى تۋرالى قوسىمشا اقپارات وقۋ-اعارتۋ مينيسترلىگىنىڭ سايتىندا بار.
