قازاقستاندا ينفلياتسيا بويىنشا بولجامدار قايتا قارالدى
استانا. KAZINFORM – ۇلتتىق بانك ساراپشىلار قاۋىمداستىعىنىڭ ماكروەكونوميكا كورسەتكىشتەرى بويىنشا پىكىرىن جاريالادى.
ساراپشىلار Brent ماركالى مۇناي باعاسى، ج ءى ءو، ينفلياتسيا، بازالىق مولشەرلەمە، تاۋارلار مەن قىزمەتتەردىڭ ەكسپورتى جانە يمپورتى، سونداي-اق، تەڭگە باعامىن نەگىزگە العان.
Brent ماركالى مۇنايدىڭ 2025 جانە 2026-جىلدارعا ارنالعان باعاسى بويىنشا بولجام 1 باررەل ءۇشىن 75,0 جانە 72,0 ا ق ش دوللارى دەڭگەيىندە ساقتالعان.
«2027-جىلعا ارنالعان باعالاۋ كورسەتكىشى ءبىر باررەل ءۇشىن 72,5 ا ق ش دوللارىنا دەيىن ءسال جوعارىعا قاراي وزگەردى»، - دەپ جازىلعان حابارلامادا.
2025 جانە 2027-جىلدارعا ارنالعان، قازاقستان ەكونوميكاسى وسىمىنە قاتىستى باعالاۋ تومەندەگەن.
«2025-جىلعا ارنالعان بولجام 4,9 پايىزدان 4,7 پايىزعا، ال 2027-جىلعا 4,5 پايىزدان 4,3 پايىزعا دەيىن قايتا قارالدى. 2026-جىلى 4,5 پايىز دەڭگەيىندە كۇتىلەدى»، - دەپ جازىلعان حابارلامادا.
ينفلياتسيا مەن بازالىق مولشەرلەمە
ساراپشىلاردىڭ سوزىنشە، ينفلياتسيا بويىنشا 2025-جىلى مەديانالىق باعالاۋ 8,7 پايىزدان 10,6 پايىزعا، 2026 -جىلى 7,0 پايىزدان 9,0 پايىزعا، ال 2027-جىلى 5,8 پايىزدان 6,1 پايىزعا دەيىن كوتەرىلەدى.
«بازالىق مولشەرلەمەنىڭ باعالاۋى بۇرىنعىداي جىلدىق ورتاشا مانمەن ەمەس، جىل سوڭىنداعى دەڭگەيمەن ۇسىنىلاتىنىن ايتا كەتكەن ءجون. 2025-جىلدىڭ سوڭىنا ارنالعان بولجامداردىڭ مەديانالىق ءمانى - 15,9 پايىز، 2026-جىلعا 14,3 پايىز، ال 2027-جىلعا 11,5 پايىز»، - دەپ جازىلعان حابارلامادا.
