قازاقستاندا ىشكى كوشىپ-قونۋشىلار مەن قانداستاردى قونىستاندىرۋ قاعيدالارى وزگەرەدى
استانا. KAZINFORM - قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى ازاماتتاردى ەڭبەك كۇشى ارتىق وڭىرلەردەن ەڭبەك كۇشى تاپشى وڭىرلەرگە ەرىكتى تۇردە قونىس اۋدارۋ ماسەلەلەرىن رەتتەۋ سالاسىنداعى قولدانىستاعى ن ق ا- عا تۇزەتۋلەر توپتاماسىن ازىرلەدى.
بۇل تۋرالى ۆەدومستۆونىڭ باسپا ءسوز قىزمەتى ءمالىم ەتتى.
«قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترى مىندەتىن اتقارۋشىنىڭ 2016-جىلعى 15-قاڭتارداعى 20-بۇيرىعىنا جانە «جۇمىس كۇشىنىڭ ۇتقىرلىعىن ارتتىرۋ ءۇشىن ادامداردىڭ ەرىكتى تۇردە قونىس اۋدارۋ قاعيدالارىن بەكىتۋ تۋرالى» قازاقستان رەسپۋبليكاسى پرەمەر-ءمينيسترىنىڭ ورىنباسارى-ەڭبەك جانە حالىقتى الەۋمەتتىك قورعاۋ ءمينيسترىنىڭ 2023-جىلعى 22-ماۋسىمداعى 234-بۇيرىعىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءمينيسترى بۇيرىعىنىڭ جوباسى جاريا تالقىلاۋ ءۇشىن «اشىق ن ق ا» پورتالىندا 2024-جىلعى 5-قاراشاعا دەيىن ورنالاستىرىلدى.
اتالعان تۇزەتۋلەر توپتاماسى انىقتالعان پروبلەمالىق ماسەلەلەر مەن قازاقستان رەسپۋبليكاسى باس پروكۋراتۋراسىنىڭ ۇسىنىمدارىن ەسكەرە وتىرىپ ازىرلەندى.
اتاپ ايتقاندا، مىناداي وزگەرىستەر كوزدەلەدى:
1) مانساپ ورتالىقتار قىزمەتكەرلەرىنىڭ قونىس اۋدارۋشى نەمەسە قانداس ۇسىنعان قۇجاتتاردى، ەكونوميكالىق موبيلدىلىك سەرتيفيكاتى بويىنشا اقشالاي تولەمدى پايدالانا وتىرىپ ساتىپ الىناتىن جىلجىمايتىن مۇلىك وبەكتىسى بويىنشا مالىمەتتەردى ولاردىڭ تولىقتىعى مەن دۇرىستىعى تۇرعىسىنان، تولىق جانە مۇقيات قاراۋ ءۇشىن مامىلە وبەكتىسىنە بارۋ جولىمەن سالىستىرىپ تەكسەرۋدى جۇزەگە اسىرۋى؛
2) ساتىپ الىناتىن جىلجىمايتىن مۇلىكتىڭ قۇنىن باعالاۋ ناتيجەلەرىنە شاعىمدانۋ بويىنشا ەڭبەك موبيلدىلىگى ورتالىقتارىنىڭ قۇقىعىن كەڭەيتۋ؛
3) قونىس اۋدارۋشىنىڭ نەمەسە قانداستىڭ بۇدان بۇرىن ەكونوميكالىق موبيلدىلىك سەرتيفيكاتى ارقىلى ساتىپ الىنعان تۇرعىن ءۇيدى ساتىپ الۋ نيەتى بولعان جاعدايدا ەكونوميكالىق موبيلدىلىك سەرتيفيكاتىن بەرۋدەن باس تارتۋ بويىنشا قوسىمشا نەگىزدى بەكىتۋ؛
4) قونىس اۋدارۋشىلاردىڭ قونىستانۋ اۋماعىنان تىس جەرلەردە ەڭبەك قىزمەتىن جۇزەگە اسىرۋ قۇقىعىن الىپ تاستاۋىن قوزدەيدى.
سونىمەن قاتار قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزۋ جانە ەرىكتى قونىس اۋدارۋدى مەملەكەتتىك قولداۋ شارالارىن كورسەتۋ جونىندەگى مەملەكەتتىك كورسەتىلەتىن قىزمەتتەردى
2025-جىلعى ناۋرىزدان باستاپ اۆتوماتتاندىرۋ جوسپارلانىپ وتىرعانىن حابارلايمىز. وسىلايشا، كورسەتىلەتىن قىزمەتتى الۋشىلاردىڭ مانساپ ورتالىقتاردىڭ قىزمەتكەرلەرىمەن بايلانىسى جويىلادى، بۇل سىبايلاس جەمقورلىق تاۋەكەلدەرىن بارىنشا ازايتۋعا مۇمكىندىك بەرەدى.
وسى مەملەكەتتىك قىزمەت تۇرلەرىن سيفرلاندىرۋ قونىس اۋدارۋعا قاتىسۋشىلار مەن ەڭبەك موبيلدىلىگى ورتالىقتارى اراسىنداعى شارتتىق مىندەتتەمەلەردىڭ ورىندالۋىنا ناقتى مونيتورينگتى قامتاماسىز ەتەدى.
بۇيرىق جوباسىن قابىلداۋ تەرىس الەۋمەتتىك-ەكونوميكالىق جانە/نەمەسە قۇقىقتىق سالدارعا الىپ كەلمەيدى.
قۇجاتپەن تولىعىراق «اشىق ن ق ا» پورتالىندا سىلتەمە بويىنشا تانىسۋعا بولادى.
