قازاقستاندا تۋريستىك نىسانداردىڭ كارتاسى كەڭەيتىلدى

استانا. KAZINFORM - ەلىمىزدە 102 تۋريستىك نىسان بولسا، جاڭا كارتادا ولاردىڭ سانى 186-عا ۇلعايدى.

2025 -جىلعى 28-ناۋرىزداعى تۋريزم جانە سپورت ءمينيسترىنىڭ بۇيرىعىمەن تۋريستيفيكاتسيا كارتاسىنا وزگەرىستەر ەنگىزىلدى. بۇيرىق 2025 -جىلعى 14-ساۋىردەن باستاپ كۇشىنە ەنەدى.

بۇيرىققا سايكەس، رەسپۋبليكالىق دەڭگەيدەگى تۋريستىك اۋماقتارعا بۇرىن 33 نىسان كىرسە، قازىر ولاردىڭ سانى 44-كە جەتتى، ولاردىڭ قاتارىندا:

- الماتى وبلىسىنداعى «Sokol» سپورتتىق-تەحنيكالىق كەشەنى؛

- شىعىس قازاقستان وبلىسىنداعى سىبە كولدەرى؛

- شىعىس قازاقستان وبلىسىنداعى مارقاكول كولى؛

- قىزىلوردا وبلىسىنداعى «بايقوڭىر» عارىش ايلاعى؛

- قىزىلوردا وبلىسىنداعى ەجەلگى سىعاناق قالاسى؛

- قىزىلوردا وبلىسىنداعى «Geopark Aral»؛

- ماڭعىستاۋ وبلىسىنداعى «كەندىرلى» كۋرورتتىق ايماعى؛

- تۇركىستان وبلىسىنداعى «سارى اعاش» كۋرورتتىق ايماعى؛

- تۇركىستان وبلىسىنداعى «اقمەشىت» ۇڭگىرى؛

- تۇركىستان وبلىسىنداعى «اقسۋ» شاتقالى.

سونىمەن قاتار، وڭىرلىك دەڭگەيدەگى تۋريستىك اۋماقتاردىڭ دا ءتىزىمى ايتارلىقتاي كەڭەيتىلدى. وسىلايشا وڭىرلىك دەڭگەيدە 142 تۋريستىك نىسان بار.

تۋريستىك نىسانداردىڭ تولىق تىزىمىمەن سىلتەمەگە ءوتىپ تانىسۋعا بولادى.

اۆتور

داۋلەت ىزتىلەۋ