قازاقستاندا تەمەكى قىمباتتاپ كەتتى

استانا. قازاقپارات - قازاقستاندا تەمەكى قىمباتتاپ كەتتى. بۇل تۋرالى قارجى ءمينيسترىنىڭ بۇيرىعىندا كورسەتىلگەن.

2025-جىلى «فيلترلى، فيلترسىز سيگارەتتەرگە، پاپيروستارعا، سيگاريللالارعا جانە قىزدىرىلاتىن تەمەكىسى بار بۇيىمدارعا ەڭ تومەن بولشەك ساۋدا باعالارىن بەلگىلەۋ تۋرالى» قازاقستان رەسپۋبليكاسى قارجى ءمينيسترىنىڭ 2022-جىلعى 22-اقپانداعى 196-بۇيرىعىنا وزگەرىس ەنگىزىلگەن ەدى.

قۇجاتتا «2026-جىلعى 1-قاڭتاردان باستاپ 970 تەڭگە مولشەرىندە ەڭ تومەنگى بولشەك ساۋدا باعاسى بەلگىلەنسىن» دەپ كورسەتىلگەن.

بۇيرىق 2025-جىلعى 1-شىلدەدەن باستاپ قولدانىسقا ەنگىزىلگەن بولاتىن.