قازاقستاندا سىراعا سۇرانىس 18 پايىزعا تومەندەدى

استانا. KAZINFORM – ق ر س ج ج ر ا ۇلتتىق ستاتيستيكا بيۋروسى كوبىكتى سۋسىنعا سۇرانىستىڭ تومەندەگەنىن تىركەدى.

сыра
Фото: Pixabay

يمپورت 50,4 ميلليون ليتردى قۇرايدى. 2023 -جىلعى كورسەتكىشپەن سالىستىرعاندا شەتەلدىك جەتكىزىلىم %18- عا قىسقاردى.

قازاقستانعا سىرا رەسەيدەن (80 پايىز)، گەرمانيادان (5,2) جانە گرۋزيادان (2,8 پايىز) اكەلىندى. باسقا ەلدەردەن جەتكىزىلىم كولەمى ماردىمسىز بولدى. 2024 -جىلدىڭ قاڭتار- قازان ايلارىندا قازاقستانعا يمپورتتالعان سىرانىڭ جالپى قۇنى 33,1 ميلليون دوللاردى قۇرادى.

سىرا ءوندىرىسى كەيىنگى جىلدارى شارىقتاۋ شەگىنە جەتتى: قازاقستان رەسپۋبليكاسىنداعى رەسۋرستاردىڭ جالپى كولەمىندە سىرا ءوندىرىسىنىڭ ۇلەسى %88- دان كەم بولمادى. ونىڭ كولەمى 2022 -جىلدان باستاپ قىسقاردى. ەكى جىل بۇرىن بۇل قىسقارتۋ - نەبارى %0,6- دى قۇراسا، 2023 -جىلدىڭ سوڭىنا قاراي ستاتيستيكا ماماندارى قازاقستاندىق سىرا ءوندىرىسىنىڭ %14,8- عا قىسقارعانىن حابارلادى. 2024 -جىلدىڭ قاڭتار- قازان ايلارىندا تەرىس ديناميكا از بولدى: بار بولعانى - %1,3.

قازاقستانداعى نەگىزگى سىرا قايناتۋ ايماعى الماتى مەن الماتى وبلىسى بولىپ قالا بەرەدى. ولاردىڭ جالپى ءوندىرىسى 2023 -جىلى 389,6 ميلليون ليتردى نەمەسە جالپى كولەمنىڭ %63,7- ىن قۇرادى.

كەيىنگى ەكى جىلدا ءوندىرىس كولەمىنىڭ ازداپ تومەندەۋىنە كوبىكتى سۋسىنعا سۇرانىستىڭ تومەندەۋى سەبەپ بولدى. ەگەر 2024 -جىلدىڭ قاڭتار- قازان ايلارىندا ىشكى نارىقتا نەبارى 553,1 ميلليون ليتر سىرا ساتىلسا، ياعني ءبىر جىل بۇرىنعىدان %2,8- عا از بولسا، 2023 -جىلى قىسقارتۋ ايتارلىقتاي بولدى: %12,6. 2022 -جىلى ىشكى نارىقتا سىرا ساتىلىمى 756 ميلليون ليتردەن استى.

Numbeo.com ءومىر ءسۇرۋ قۇنى بويىنشا ەڭ ءىرى حالىقارالىق ونلاين دەرەكتەر بازاسىنا سايكەس، قازاقستان سىرانىڭ قۇنى بويىنشا 83-ورىندا تۇر. قىزمەتتىڭ مالىمەتىنشە، وتاندىق سىرانىڭ 0,5 ليترى - 0,9 ا ق ش دوللار (445 تەڭگە). ەڭ قىمبات وتاندىق سىرا بار ەلدەر اراسىندا مۇنداي باعا بەلگىلەرى جوق. مىسالى، يوردانيادا كوبىكتى سۋسىننىڭ 0,5 ليترى 4,8 ا ق ش دوللارىنا (نەمەسە 2,5 مىڭ تەڭگەگە)، اۋستراليادا 4,5 ا ق ش دوللارىنا (نەمەسە 2,4 مىڭ تەڭگە) ساتىلادى.

2024 -جىلى قازاقستاندا سىرا باعاسىنىڭ ءوسىمى باسەڭدەدى. 2023 -جىلدىڭ قاراشاسىندا سىرا باعاسىنىڭ جىلدىق ءوسىمى %22,6- دى قۇرادى. سودان اي سايىن باعانىڭ ءوسۋى ازايىپ وتىردى. سىرانى تۇتىنۋ باعاسىنىڭ يندەكسى ەڭ تومەنگى دەڭگەيگە 2024 -جىلدىڭ قاراشاسىندا جەتتى. سول كەزدە جىلدىق ءوسىم نەبارى %12,3 بولدى.

اۆتور

ەركەجان سماعۇلوۆا

سوڭعى جاڭالىقتار