قازاقستاندا SIM كارتا ساتىپ الۋدىڭ جاڭا ەرەجەلەرى ەنگىزىلمەك
استانا. KAZINFORM - ۇكىمەت وتىرىسىندا پرەمەر-مينيستر ولجاس بەكتەنوۆ ينتەرنەت الاياقتىققا، ازاماتتاردىڭ جەكە دەرەكتەرى تاراۋىنا قارسى كۇرەس شارالارىنا توقتالدى.
سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ ونلاين الاياقتىققا قارسى ءىس-قيمىلعا مەملەكەتتىك ورگاندار مەن قۇقىق قورعاۋ قۇرىلىمدارى تارتىلعانىن باياندادى:
بۇگىندە جەكە دەرەكتەرگە قول جەتكىزۋدى باقىلاۋ مەملەكەتتىك قىزمەتى ىسكە قوسىلدى. وعان مەملەكەتتىك اقپاراتتىق جۇيەلەردىڭ %70 دان استامى قوسىلعان. سەرۆيس دەرەكتەرگە ازاماتتىڭ كەلىسىمىن العاننان كەيىن عانا قول جەتكىزۋگە مۇمكىندىك بەرەدى.
الاياقتاردىڭ قوڭىراۋلارىن انىقتاۋ جانە بۇعاتتاۋ ءۇشىن الاياقتاردان قورعاۋ ورتالىقتارى قۇرىلدى. ولار ۇلتتىق بانكتىڭ انتيفرود ورتالىعىمەن بىرىكتىرىلگەن.
«جاڭا SIM كارتالاردى ساتىپ الۋ كەزىندە بيومەتريالىق تىركەۋ، سونداي-اق، SIM كارتالاردى ءۇشىنشى تۇلعالارعا زاڭسىز بەرۋ بويىنشا جاۋاپكەرشىلىك ەنگىزىلەدى. «ستوپ-كرەديت» قىزمەتى ىسكە قوسىلدى جانە ونى حالىق بەلسەندى تۇردە پايدالانىپ جاتىر، - دەدى مينيستر.
