قازاقستاندا ساياباعى ەڭ كوپ قالا انىقتالدى

استانا. KAZINFORM - ەلىمىزدە 251 ويىن-ساۋىق جانە دەمالىس ساياباعى جۇمىس ىستەيدى، دەپ حابارلايدى ۇلتتىق ستاتيستيكا بيۋروسى.

2024-جىلدىڭ قورىتىندىسى بويىنشا قازاقستاندا 251 ويىن-ساۋىق جانە دەمالىس ساياباعى جۇمىس ىستەگەن، ءبىر جىلدا ولاردىڭ سانى 9,1 پايىزعا ارتتى.

وڭىرلەر بولىنىسىندە دەمالىس ورىندارىنىڭ ەڭ كوپ سانى: تۇركىستان وبلىسىندا – 32، شىمكەنت قالاسىندا – 29، قاراعاندى وبلىسىندا - 28.

2024-جىلى ويىن-ساۋىق جانە دەمالىس ساياباقتارىنا 15,5 ميلليون ادام بارعان. بارۋشىلار سانىنىڭ ەڭ كوبى استانا (3,2 ميلليون)، شىمكەنت (2,7 ميلليون) جانە الماتى (2,5 ميلليون) قالالارىندا بايقالعان.

مەنشىك نىسانى بويىنشا دەمالىس ساياباقتارىنىڭ 29 پايىزى مەملەكەت مەنشىگىندە، 69,3 پايىزى جەكە مەنشىكتە جانە 1,5 پايىزى شەتەلدىك مەنشىكتە.

دەمالىس ورىندارىنىڭ 131 اشىق اسپان استىندا، 120 ورىن عيمارات ىشىندە ورنالاسقان.

اۋىلدىق جەرلەردە 51 ويىن-ساۋىق جانە دەمالىس ورنى جۇمىس ىستەيدى، بۇل جالپى كورسەتكىشتىڭ - 19,1 پايىز. دەمالىس ورىندارىندا اتتراكتسيوندار مەن ويىن اۆتوماتتارى تۇرىندەگى ساۋىق قۇرۋعا ارنالعان 3923 نىسان بار.

بۇدان بۇرىن الماتى وبلىسىندا 130 دەمالىس ورنى باقىلاۋعا الىنعانى بەلگىلى بولدى.