قازاقستاندا قورىتىندى اتتەستاتسيانى وتكىزۋ ءتارتىبى بەلگىلى بولدى
استانا. KAZINFORM - بيىلعى وقۋ جىلىنىڭ باستالۋى مەن اياقتالۋ مەرزىمى، سونداي-اق قورىتىندى اتتەستاتسيانى وتكىزۋ ءتارتىبى قازاقستان رەسپۋبليكاسى وقۋ-اعارتۋ ءمينيسترىنىڭ بۇيرىعىمەن بەكىتىلدى. بۇل تۋرالى ۆەدومستۆونىڭ باسپا ءسوز قىزمەتى ءمالىم ەتتى.
- 9-سىنىپ وقۋشىلارى ءۇشىن قورىتىندى ەمتيحاندار 2025-جىلعى 29-مامىر مەن 10-ماۋسىم ارالىعىندا وتەدى. ولار مىندەتتى پاندەر بويىنشا ءتورت جازباشا ەمتيحاننان تاپسىرادى. 11-سىنىپ تۇلەكتەرىنە ارنالعان مەملەكەتتىك ەمتيحاندار 2025-جىلعى 30-مامىر مەن 16-ماۋسىم ارالىعىندا وتەدى. وقۋشىلار بەس ەمتيحان تاپسىرادى، ونىڭ ءبىرى اۋىزشا تۇردە وتكىزىلەدى، - دەلىنگەن حابارلامادا.
نەگىزگى جانە جالپى ورتا ءبىلىم تۋرالى اتتەستاتتاردى تاپسىرۋ سالتاناتى ءبىلىم بەرۋ ۇيىمدارىندا 18-20-ماۋسىم ارالىعىندا وتەتىنى بەلگىلى بولىپ وتىر.
بۇعان دەيىن حابارلانعانداي، نازاربايەۆ زياتكەرلىك مەكتەپتەرىندە وقۋ قۇنى ارزانداتىلدى.
