قازاقستاندا QR كودى بار تۋريستىك كارتالار ەنگىزىلدى

استانا. KAZINFORM - شەتەلدىكتەر قازاقستانعا كەلگەندە QR كودى بار تۋريستىك كارتا الادى، سونداي-اق وسىنداي كارتالار شەكارالىق باقىلاۋدان وتكەندە بەرىلەدى.

ق ر ىشكى ىستەر مينيستىرلىگىنىڭ حابارلاۋىنشا، بۇل كارتالار تۋريستەردىڭ قاۋىپسىزدىگىن قامتاماسىز ەتۋ جانە تۋريستىك ينفراقۇرىلىمدى جەتىلدىرۋ باعىتىنداعى كەشەندى شارالاردىڭ ءبىر بولىگى.

بۇگىنگى تاڭدا كارتالار استانا مەن الماتىنىڭ حالىقارالىق اۋەجايلارىندا جانە تۇركىستان وبلىسىنداعى «قاپلانبەك» شەكارا بەكەتىندە بەرىلەدى.

سونىمەن قاتار شەتەلدىكتەرگە ىڭعايلى بولۋى ءۇشىن safetravel.kz سايتى ىسكە قوسىلدى.

QR كود ارقىلى نەنى ىزدەپ تابۋعا بولادى:

· پوليسيامەن شۇعىل حابارلاسۋ ءۇشىن «102» (SOS قىزمەتى بار) قوسىمشاسىن ورناتۋ جولىن؛

· تىركەۋ مەن ميگراتسيالىق باقىلاۋ بويىنشا جادىناما؛

· تاكسي سەرۆيستەرى مەن جولدىڭ باعاسىنا دەيىن كورسەتىلەتىن قوسىمشالار؛

· ۇيالى وپەراتورلار مەن SIM كارتالاردىڭ باعاسى؛

- بۇل باستاما ءوزىنىڭ تيىمدىلىگىن كورسەتىپ، ءاربىر تۋريسكە قازاقستاندا ءوزىن قاۋىپسىز سەزىنىپ، سەنىمدى بولۋىنا كومەكتەستى، - دەدى ق ر ءى ءى م وكىلدەرى.