قازاقستاندا قانشا ويىن-ساۋىق جانە دەمالىس ساياباعى بار

استانا. قازاقپارات - 2024-جىلدىڭ قورىتىندىسى بويىنشا ەلىمىزدە 251 ويىن-ساۋىق جانە دەمالىس ساياباعى جۇمىس ىستەگەن، ءبىر جىلدا ولاردىڭ سانى %9,1 ارتتى. بۇل تۋرالى ۇلتتىق ستاتيستيكا بيۋروسىنىڭ باسپا ءسوز قىزمەتى حابارلادى.

وڭىرلەر بولىنىسىندە دەمالىس ورىندارىنىڭ ەڭ كوپ سانى تۇركىستان وبلىسىندا (32 بىرلىك)، شىمكەنت قالاسىندا (29 بىرلىك) جانە قاراعاندى وبلىسىندا (28 بىرلىك).

2024-جىلى ويىن-ساۋىق جانە دەمالىس ساياباقتارىنا 15,5 ميلليون ادام بارعان. بارۋشىلار سانىنىڭ ەڭ كوبى استانا (3,2 ميلليون كەلۋ)، شىمكەنت (2,7 ميلليون كەلۋ) جانە الماتى (2,5 ميلليون كەلۋ) قالالارىندا بايقالعان.

مەنشىك نىسانى بويىنشا دەمالىس ساياباقتارىنىڭ %29 مەملەكەتتىك مەنشىكتە، %69,3 جەكە مەنشىكتە جانە %1,5 شەتەلدىك مەنشىكتە.

دەمالىس ورىندارىنىڭ 131 اشىق اسپان استىندا، 120 ورىن عيمارات ىشىندە ورنالاسقان. اۋىلدىق جەرلەردە 51 ويىن-ساۋىق جانە دەمالىس ورنى جۇمىس ىستەيدى، بۇل جالپى كورسەتكىشتىڭ - 19,1 پايىز.

دەمالىس ورىندارىندا اتتراكتسيوندار مەن ويىن اۆتوماتتارى تۇرىندەگى ساۋىق قۇرۋعا ارنالعان 3923 نىسان بار.

ەسكە سالا كەتەيىك، بۇعان دەيىن شىمكەنتتەگى «قيال الەمى» ويىن-ساۋىق ساياباعى سوت شەشىمىمەن بۇزىلاتىنىن جازعان ەدىك.