قازاقستاندا قانشا اۆتوكولىك بار

استانا. قازاقپارات – 1-شىلدەدەگى جاعداي بويىنشا قازاقستاندا تىركەلگەن اۆتوكولىك قۇرالدارىنىڭ سانى 5506900 بىرلىكتى قۇرادى.

2024 -جىلعى ماۋسىمدا 132,8 مىڭ بىرلىك اۆتوكولىك ەسەپكە قويىلدى، بۇل كورسەتكىش وتكەن جىلدىڭ سايكەس كەزەڭىمەن سالىستىرعاندا 26,3 پايىز كەمىدى، دەپ حابارلايدى Qaz365.kz.

ۇلتتىق ستاتيستيكا بيۋروسىنىڭ مالىمەتىنشە، 1 شىلدەدەگى جاعداي بويىنشا قازاقستاندا تىركەلگەن اۆتوكولىك قۇرالدارىنىڭ سانى 5506900 بىرلىكتى قۇرادى.

ونىڭ ىشىندە:

88 پايىز - جەڭىل اۆتوموبيلدەر

9,9 پايىز - جۇك اۆتوموبيلدەرى

2,1 پايىز - اۆتوبۋستار

«تىركەلگەن جەڭىل اۆتوموبيلدەردىڭ جالپى سانىندا شىعارىلعان جىلى بويىنشا 20 جىلدان اسقانداردىڭ ۇلەسى - 44,4 پايىز، 10 جىلدان اسقان ءبىراق 20 -جىلدان كەم كولىك ۇلەسى - 23,6 پايىز، 7- 10 جىل بولعاندار - 12,6 پايىز، 3-7 جىل ارالىعىنداعىلار - 13,2 پايىز جانە اۆتوكولىك قۇرالدارىنىڭ تەك 6,2 پايىزىنىڭ شىققان جىلى 3 جىلدان اسپايدى»، - دەلىنگەن حابارلامادا.

شىعارىلعان جىلى 20 جىلدان استام جەڭىل اۆتوموبيلدەردىڭ ەڭ كوپ سانى الماتى وبلىسىندا - 325,2 مىڭ بىرلىك، الماتى قالاسىندا - 189,7 مىڭ بىرلىك، جامبىل وبلىسىندا - 168,8 مىڭ بىرلىك، قاراعاندى وبلىسىندا - 162,9 مىڭ بىرلىك جانە شىعىس قازاقستان وبلىسىندا - 154 مىڭ بىرلىك.