قازاقستاندا قانشا ادامعا استانا ەسىمى قويىلعان؟

استانا. قازاقپارات - قازاقستاندا قانشا ادامعا استانا ەسىمى قويىلعانى بەلگىلى بولدى.

ۇلتتىق ستاتيستيكا بيۋروسىنىڭ مالىمەتىنە سۇيەنسەك، قازاقستاندا بۇگىندە استانا ەسىمدى 24 ادام تۇرادى. ولاردىڭ ىشىندە 17 ءسى - ەر ادام، 7 ەۋى - ايەل. بىلتىر دا ءدال وسىنداي 24 ادام تىركەلگەن.

استانا ەسىمدى ازاماتتاردىڭ كوبى ەلوردادا تۇرادى (4 ادام). سونداي-اق، شىمكەنتتە، ماڭعىستاۋ جانە تۇركىستان وبلىستارىندا 3 ادامنان تۇرادى.

15 تەن تومەن جاستاعىلاردىڭ سانى - التاۋ. تاعى بەسەۋىنىڭ جاسى 15 پەن 19 ارالىعىندا، ەكى ادام 20-24 جاس ارالىعىندا.

25-29 جاس ارالىعىندا 3 ادام، ال 30-34، 40-44 جانە 60-64 جاس ارالىعىندا ءبىر ادامنان بار. 50-54 جاس ارالىعىندا استانا ەسىمدى ءۇش ادام بولسا، 65 جاستان اسقان تاعى ەكى ادام بار.

سونداي-اق، ەل ازاماتتارىنىڭ اراسىندا استاناي دەگەن 5 ادام، استانالي ەسىمدى 3 ەر ادام، نۇراستانا ەسىمدى 5 ۇل جانە 1 قىز بالا تىركەلگەن.

ەلورداداعى باستى نىشانداردىڭ ءبىرى سانالاتىن بايتەرەك مونۋمەنتىنىڭ قۇرمەتىنە 41 ادامعا بايتەرەك ەسىمى بەرىلگەن. قازاقشا ترانسكريپتسيامەن جازىلعان 30 ادام بار.

ايتا كەتەيىك، 6-شىلدە - قازاقستان استاناسىنىڭ 27 جىلدىعى.

ەسكە سالايىق، شىلدەدە مەملەكەتتىك مەرەكەلەردىڭ ءبىرى - استانا كۇنىنە وراي قوسىمشا دەمالىس بەرىلەدى. مەرەكە 6-شىلدەدە اتاپ وتىلەدى.

2025-جىلى 6-شىلدە جەكسەنبىگە سايكەس كەلەدى، سوندىقتان دەمالىس 7-شىلدەگە اۋىستىرىلادى. وسىلايشا قازاقستاندىقتار قاتارىنان ءۇش كۇن دەمالادى.