قازاقستاندا قانشا اباي بار

استانا. KAZINFORM - ەرتەڭ اباي قۇنانباي ۇلىنىڭ تۋعان كۇنى. ۇلتتىق ستاتبيۋرو ۇلى ويشىلدىڭ قۇرمەتىنە قويىلعان ەسىمدەر جايلى ستاتيستيكانى ۇسىنادى.

بۇگىندە ەلىمىزدە اباي ەسىمدى 18 586 ادام تۇرادى.

عۇلاما ەسىمى بەرىلگەندەردىڭ ەڭ كوبى تۇركىستان وبلىسىندا تۇرادى - 2050 ادام، ودان كەيىن استانا - 2021 ادام جانە الماتى قالاسى - 1639 ادام.

ويشىل ەسىمى بەرىلگەن ازاماتتاردىڭ ەڭ ازى ۇلىتاۋ وڭىرىندە - 193 ادام.

اقىننىڭ تۋعان ولكەسىندە (اباي وبلىسىندا) اباي ەسىمدى 232 ادام تۇرادى.

ەگەر جاس قۇرامى بويىنشا قارايتىن بولساق، 18 جاسقا دەيىنگى 4166 بالاعا اباي ەسىمى بەرىلگەن.

18 بەن 44 جاس ارالىعىنداعى وسى ەسىمدى تاعى 8 179 ادام جانە 45 جاستان اسقان 6241 ادام بار.