قازاقستاندا قالىڭ قار جاۋىپ، اياز تۇسەدى

استانا. قازاقپارات - سينوپتيكتەر 7-9-قاراشا كۇندەرىنە ارنالعان اۋا- رايى بولجامىن ۇسىندى. قازاقستاننىڭ باسىم بولىگىن اۋقىمدى سيكلون جايلاپ، اۋارايى تۇراقسىز بولادى.

جاۋىن- شاشىن، قار ارالاس جاڭبىر جاۋىپ، بوران سوعىپ، جەل كۇشەيىپ، كوكتايعاق بولادى. تۇمان تۇسەدى.

7-قاراشا تۇندە رەسپۋبليكانىڭ سولتۇستىگىندە قالىڭ قار تۇسەدى. شىعىس، وڭتۇستىك، وڭتۇستىك-شىعىستا قار ارالاس جاڭبىر جاۋادى. سولتۇستىك- باتىس، سولتۇستىك، شىعىس پەن ورتالىقتا جەل سەكۋندىنا 30 مەترگە دەيىن كۇشەيەدى.

«سولتۇستىك، شىعىس پەن ورتالىقتا اۋا تەمپەراتۋراسى تۇندە 5-10 گرادۋسقا دەيىن تومەندەيدى، كۇندىز 2-7 گرادۋس اياز بولادى. وڭتۇستىك، وڭتۇستىك- شىعىستا تۇندە 5، كۇندىز 3 گرادۋسقا دەيىن تومەندەيدى. تاۋلى ايماقتاردا 6-11 گرادۋس اياز بولادى، - دەلىنگەن حابارلامادا.