قازاقستاندا نەكە ساقينالارىنىڭ باعاسى ءوستى

استانا. KAZINFORM - ناۋرىز ايىنىڭ قورىتىندىسى بويىنشا التىن نەكە ساقينالارىنىڭ باعاسى ايلىق ماندە %5,5 وسسە، جىلدىق ماندە %45 قىمباتتاعان. بۇل تۋرالى ۇلتتىق ستاتيستيكا بيۋروسى حابارلادى.

وڭىرلەر بولىنىسىندە ەڭ تومەنگى جىلدىق قىمباتتاۋ ماڭعىستاۋ وبلىسىندا تىركەلدى - %14,5، شىمكەنتتە - %29، استانادا - %29,9. جاس جۇبايلارعا ارنالعان ساقينالاردىڭ باعاسى ۇلىتاۋ وبلىسىندا ەڭ قاتتى قىمباتتاعان - ءبىر جىلداعى ءوسىم - %71.

سونىمەن قاتار قازاقستاندا زەرگەرلىك بۇيىمدار ءوندىرىسى ارتىپ كەلەدى. 2024 -جىلمەن سالىستىرعاندا، 2025 -جىلدىڭ قاڭتار- جەلتوقسان ارالىعىندا ءوندىرىس كولەمى %7,7 ءوسىپ، 2,7 ميلليارد تەڭگەنى قۇراعان.

ەسكە سالا كەتەيىك، بۇدان بۇرىن ەلىمىزدىڭ قاي وڭىرىندە نەكەگە تۇرۋعا ماجبۇرلەۋ ءورشىپ تۇرعانىن جازعانبىز.