قازاقستاندا ميگرانتتارعا ارنالعان پورتال ىسكە قوسىلدى
قازاقستاندا كوشى- قون رەسۋرستارى پورتالى - migration.enbek.kz ىسكە قوسىلدى، دەپ حابارلايدى kazinform.
Migration پورتالى - بيزنەس- پروتسەستەردى رەينجينيرينگىلەۋ جانە كوشى- قون سالاسىنداعى مەملەكەتتىك ورگانداردىڭ اقپاراتتىق جۇيەلەرىنىڭ ءوزارا ءىس- قيمىلىن دامىتۋ جولىمەن قۇرىلعان يننوۆاتسيالىق پلاتفورما.
«شەتەل ازاماتتارى تۋرالى اقپاراتتى ورتالىقتاندىرۋ جانە بىرىزدەندىرۋ كوشى- قون پروتسەستەرىنىڭ ءارتۇرلى كەزەڭدەرىن سينحرونداۋعا، دەرەكتەردى تيىمدىرەك باسقارۋعا، ولاردى وڭدەۋ مەرزىمدەرى مەن شىعىندارىن قىسقارتۋعا مۇمكىندىك بەرەدى.
پورتالدا كوشى- قون سالاسىنداعى مەملەكەتتىك قىزمەتتەردىڭ كەڭ سپەكترى بار. مىسالى: «قانداس» مارتەبەسىن بەرۋ، قونىس اۋدارۋشىلار مەن قانداستاردى قابىلداۋدىڭ وڭىرلىك كۆوتاسىنا ەنگىزۋ، «اتا جولى» كارتاسىن بەرۋ، پانا ىزدەۋشى ادام كۋالىگىن الۋ جانە تاعى باسقاسى»، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىندە.
