قازاقستاندا ەلەكتروندى جەكە كۋالىك اۋەجاي مەن ۆوكزالدا جارامدى بولادى
استانا. KAZINFORM - كولىك مينيسترلىگى اۋە جانە تەمىرجول جولاۋشىلارىنىڭ جەكە باسىن كۋالاندىراتىن قۇجاتتى تەكسەرۋ، جۇك جانە قول جۇگىن الىپ ءجۇرۋ قاعيدالارى مەن تالاپتارىنا وزگەرىستەر ەنگىزدى. قۇجات جوباسى «اشىق ن ق ا» رەسۋرسىندا جاريالاندى.
جاڭا ەرەجەلەرگە سايكەس اۋەجاي جانە ۆوكزالداعى تەكسەرۋ قىزمەتكەرلەرى جولاۋشىنىڭ جەكە باسىن كۋالاندىراتىن قاعاز قۇجاتتى نەمەسە سيفرلىق قۇجاتتار سەرۆيسىندەگى ەلەكتروندىق جەكە كۋالىگىن تەكسەرەتىن بولادى.
قۇجاتتا ايتىلعانداي وزگەرىستەر مەن تۇزەتۋلەر قىسقارتىلعان نەمەسە سيفرلىق فورماتقا كوشىرىلگەن انىقتاما قۇجاتتاردى قاعاز تۇرىندە تالاپ ەتپەۋ ءۇشىن ەنگىزىلىپ وتىر.
«بۇيرىق جوباسىن قابىلداۋ كولىك ينفراقۇرىلىمى وبەكتىلەرىنە باراتىن جولاۋشىلارعا جەكە باسىن انىقتاعان كەزدە سيفرلىق قۇجاتتار سەرۆيسىنەن ەلەكتروندىق قۇجاتتى كورسەتۋگە مۇمكىندىك بەرەدى»، - دەلىنگەن قۇجات جوباسىندا.
جاڭا جوبا 11-قاراشاعا دەيىن جۇرتشىلىقتىڭ تالقىسىنا ۇسىنىلىپ وتىر.
ايتا كەتسەك، بيىل ماۋسىمنان قازاقستاندىقتار جاڭا ۇلگىدەگى جەكە كۋالىكتەردى الا باستادى.
اۆتور
داۋلەت ىزتىلەۋ
