11:42, 15 - مامىر 2025 | GMT +5
قازاقستاندا كيىكتەردىڭ تولدەۋ كەزەڭى باستالدى
استانا. KAZINFORM - كيىكتەردىڭ تولدەۋ كەزەڭى مامىر ايىنىڭ سوڭىنا دەيىن جالعاسادى دەپ بولجانادى، دەپ حابارلايدى ق ر ە ت ر م ورمان شارۋاشىلىعى جانە جانۋارلار دۇنيەسى كوميتەتى.
كيىك - قازاقستان دالاسىنىڭ ەجەلگى تۇرعىندارىنىڭ ءبىرى. بۇگىن الەمدەگى كيىكتەردىڭ %98 دان استامى قازاقستاندا مەكەندەيدى.
- مامىر ايىنىڭ باسىندا بەتپاقدالا، ءۇستىرت جانە ورال پوپۋلياتسيالارىنىڭ مەكەندەۋ اۋماقتارىندا كيىكتەردىڭ تولدەۋ كەزەڭى باستالدى. وسى كەزەڭدە «وحوتزووپروم» رمقك ينسپەكتورلارى تولدەۋ جاپپاي ءجۇرىپ جاتقان جەرلەردە تاۋلىك بويى كەزەكشىلىك ۇيىمداستىردى، - دەلىنگەن كوميتەت تاراتقان اقپاراتتا.
وسىعان دەيىن اقتوبەدە كيىك تاپتاعان القاپتىڭ ناقتى كولەمى انىقتالدى.
