قازاقستاندا كىسى ءولتىرۋ ستاتيستيكاسى نەگە ءوسىپ كەتتى - ۆيتسە-مينيستر جاۋابى

استانا. KAZINFORM - ىشكى ىستەر ۆيتسە-ءمينيسترى ايدوس رىسبايەۆ ءماجىلىستىڭ جالپى وتىرىسىنان كەيىن ب ا ق وكىلدەرىنە ادام ءولتىرۋ ستاتيستيكاسى نەگە ءوسىپ كەتكەنىن ءتۇسىندىردى.

«ءبىز توقسان سايىن، اي سايىن ءار جۇمىستىڭ ناتيجەسىن قورىتىندىلايمىز. قازىرگى تاڭدا تىركەلگەن قىلمىستار سانى 8 مىڭعا ازايدى. بىلاي قاراساڭىز، بۇل ۇلكەن سان. ادام ءولتىرۋ بويىنشا 32 فاكتىگە ءوسىپ تۇر. ءبىراق ادام ءولتىرۋ ستاتيستيكاسىنىڭ 22 فاكت ىشىندە ادام ولتىرۋگە وقتالۋ رەتىندە سارالانىپ وتىر. ياعني، ادامدار ءتىرى قالعان. ءبىراق دەنە جاراقاتى اۋىر بولعاننان كەيىن كىسى ولتىرۋگە وقتالۋ بولىپ تاعايىندالادى. ناقتى ادام ءولتىرۋ سانى تەك 10 فاكتىگە عانا كوبەيىپ تۇر»، - دەدى ول.

ايدوس رىسبايەۆ مۇنىڭ سەبەبى بىلاي ءتۇسىندىردى.

«ادامنىڭ ءمايىتى تابىلادى، ءمايىت تابىلعاننان كەيىن ءبىز قىلمىستىق ءىس قوزعايمىز. قىلمىستى جاسىرۋ بولماس ءۇشىن نە سەبەپتى قايتىس بولعانىن انىقتاۋ ءۇشىن «ادام ءولتىرۋ» بابىمەن ءىس قوزعايمىز. قازىرگى تاڭدا ادام ءولتىرۋ كورسەتكىشى بىلتىرعى سانمەن بىردەي. سوندىقتان ءبىزدىڭ تۇرعىندارعا ەشقانداي قاۋىپ جوق»، - دەپ تۇيىندەدى ۆيتسە-مينيستر.

اۆتور
ەسىمجان ناقتىباي