قازاقستاندا كىمدەر ايىنا ميلليوننان اسا جالاقى الادى؟
استانا. KAZINFORM - ۇلتتىق ستاتيستيكا بيۋروسى 2025-جىلعى ءبىرىنشى توقسان بويىنشا قازاقستانداعى قىزمەتكەرلەردىڭ سانى مەن جالاقىسى تۋرالى دەرەكتى جاريالادى.
ەڭ جوعارى جالاقى - 1434506 تەڭگە، بۇل قارجى قىزمەتتەرى مەن ساقتاندىرۋ سالاسىنداعى قوسالقى قىزمەتپەن اينالىساتىندارعا بەرىلگەن.
كومپيۋتەرلىك باعدارلامالاۋ، كەڭەس بەرۋ جانە باسقا دا قوسىمشا قىزمەت سالاسىندا جۇمىس ىستەيتىندەر 1329063 تەڭگە العان.
جىلجىمايتىن مۇلىك ساتۋمەن اينالىساتىندار ءبىرىنشى توقساندا 1248068 تەڭگە تاپقان.
باسقارۋ ماسەلەلەرى بويىنشا كەڭەس بەرەتىندەرگە 1176893 تەڭگە جالاقى تولەنگەن.
ميلليوننان جوعارى جالاقى مىنا سالالاردا دا تىركەلدى:
قۇبىر كولىگىمەن تاسىمالداۋ قىزمەتى (1055692 تەڭگە)،
ساقتاندىرۋ، قايتا ساقتاندىرۋ جانە زەينەتاقىمەن قامسىزداندىرۋ (1045041 تەڭگە)،
تەڭىز جانە جاعالاۋ جۇك تاسىمالى قىزمەتى (1042752 تەڭگە)،
اۋە جولاۋشىلار كولىگى قىزمەتى (1032605 تەڭگە) ،
سۋ كولىگى قىزمەتى (1026145 تەڭگە)،
اۋە كولىگى قىزمەتى (1022311 تەڭگە).
