قازاقستاندا كولىك جۋۋ قىزمەتى قانشا

استانا. KAZINFORM - ەلىمىزدە كولىك جۋۋ، تازالىقشىلاردىڭ قىزمەتىنە جۇگىنۋ قىزمەتى ورتا ەسەپپەن 3000 تەڭگەگە شىعىپ تۇر، دەپ حابارلايدى Kazinform اگەنتتىگىنىڭ ءتىلشىسى.

رەيتينگ جاساعان كەزدە كولىكتىڭ سىرتىن جۋۋ قىزمەتىنە ءمان بەردىك. ەڭ ارزانى جەڭىل كولىك بولسا، ءارى قاراي كولىكتىڭ كولەمىنە قاراي باعا وسە بەرەدى. كولىك جۋۋ قىزمەتىندە «گازەل» اۆتوكولىگىن جۋۋ باعاسى جوعارى.

ەڭ ارزان قىزمەت اتىراۋ قالاسىندا بولىپ شىقتى. مۇندا جەڭىل كولىكتى 900 تەڭگەگە جۋۋعا بولادى. ال ەكىباستۇزدا باعا 1200-3600 تەڭگە ارالىعىندا بولىپ تۇر.

ەلىمىزدىڭ وڭتۇستىك استاناسىندا دا باعا قولجەتىمدى بولىپ تۇر. مۇندا كولىك جۋۋ قۇنى - 1500-4500 تەڭگە. ايتىپ وتەيىك، الماتىدا كولىك جۋۋ ورتالىعى كوپ جانە قىزمەت قۇنى قىمبات ەمەس.

ال پەتروپاۆل مەن ورالدا قىزمەتتىڭ بۇل ءتۇرى 1900 تەڭگەدەن باستالادى. بۇل قالالاردا كوبىنە باعا 2000 تەڭگە بولىپ تۇر. پاۆلودار، سەمەي، اقتاۋ، تۇركىستان مەن تالدىقورعاندا دا وسى باعاعا كولىك جۋۋعا بولادى.

وسكەمەندە ەڭ ارزان قىزمەت ءتۇرى - 2100 تەڭگە. ال ەڭ قىمباتى - 4500 تەڭگە. ودان كەيىن قوستاناي قالاسى تۇر. بۇل قالادا كولىك جۋۋ قىزمەتىنىڭ قۇنى 2200 تەڭگە. ال كوكشەتاۋدا ودان 100 تەڭگەگە قىمبات. مۇندا قىزمەت ءتۇرى 2300-4700 تەڭگە بولىپ تۇر.

قاراعاندى مەن جەزقازعاندا باعا بىركەلدى. كولىك جۋۋ قىزمەتىنىڭ قۇنى - 2400-4500 تەڭگە. ودان كەيىنگى ورىندا اقتوبە تۇر. قالادا باعا 2500-8000 تەڭگە ارالاعىندا.

ەكىنشى ورىندا قىزىلوردا مەن شىمكەنت قالالارى تۇر. مۇندا كولىك جۋۋ قىزمەتى 3000 تەڭگەدەن باستالادى. ال ەڭ قىمباتى تاراز بەن استانا قالالارى. مۇدا كولىكتى 3500 تەڭگەدەن جۋدىرۋعا بولادى.

قازاقستانداعى ورتالىقتار كولىكتىڭ سىرتىن جۋىپ قانا قويماي، كەشەندى تازالاۋدى دا ۇسىنادى. ماسەلەن «كۋزوۆ+سالون» قىزمەتىندە باعا ەكى ەسەگە وسەدى. سونىمەن بىرگە جۇك سالعىشتى، كىلەمشەنى جۋادى. ەكى قايتارا، ءۇش قايتارا جۋۋ قىزمەتى 12-15 تەڭگەگە دەيىن بارادى.

سونىمەن بىرگە ەلىمىزدە كولىكتى ءوزىڭ دە جۋىپ الاسىڭ بولادى. مۇنداي قىزمەت 500 تەڭگە تۇرادى.

بۇعان دەيىن ەلىمىزدىڭ وڭىردەرىندە قۇرىلىس ماتەريالىنىڭ باعاسى قانشا ەكەنى جازىلدى.

سونىمەن بىرگە فيتنەس-ورتالىق ابونەمەنتىنىڭ، سۇندەتتەۋ قىزمەتىنىڭ باعاسىن بىلدىك.