قازاقستاندا كوشى-قون پروتسەستەرى سيفرلاندىرىلادى

استانا. KAZINFORM -ىشكى جانە ەتنيكالىق كوشى-قون سالاسىندا قابىلدانعان شارالارعا قاراماستان، سولتۇستىك جانە وڭتۇستىك وڭىرلەر اراسىنداعى دەموگرافيالىق تەڭگەرىمسىزدىك ءالى بايقالادى.

بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا ايتىپ بەردى.

سۆەتلانا جاقىپوۆا مەملەكەت باسشىسىنىڭ تاپسىرماسى نەگىزىندە 2023-2027 -جىلدارعا ارنالعان كوشى-قون ساياساتىنىڭ تۇجىرىمداماسى ازىرلەنگەنىن جانە قابىلدانعانىن ەسكە سالدى.

«كوشى-قون پروتسەستەرىن رەتتەۋ جۇيەسىن سيفرلاندىرۋ - باسىم باعىتتاردىڭ ءبىرى. ميگرانتتاردىڭ قوزعالىسىن ەسەپكە الۋدىڭ ءبىرىڭعاي اقپاراتتىق جۇيەسىن قۇرۋ جوسپارلانۋدا. بۇل بىزدەگى بارلىق شەتەلدىك جۇمىس كۇشىن اۆتوماتتاندىرۋدى جانە سيفرلىق ەسەپكە الۋدى قامتاماسىز ەتەدى. مىندەتتى ج س ن-دى ءبىر مەزگىلدە ەنگىزۋ شەتەلدىك تۇلعانىڭ ەڭبەك شارتتارىن جانە ۋاقىتشا تۇرۋعا ىقتيارحاتتارىن ۋاقتىلى تىركەۋگە مۇمكىندىك بەرەدى»، - دەدى س. جاقىپوۆا مينيسترلىكتىڭ القا وتىرىسىندا.

سپيكەردىڭ ايتۋىنشا، ىشكى جانە ەتنيكالىق كوشى- قون سالاسىندا قابىلدانعان شارالارعا قاراماستان، سولتۇستىك جانە وڭتۇستىك وڭىرلەر اراسىنداعى دەموگرافيالىق تەڭگەرىمسىزدىك پروبلەماسى ءالى دە ساقتالۋدا. بەيىمدەلۋ پروبلەمالارىن شەشۋ ءۇشىن كەلۋ قونىس اۋدارۋشىلاردى سۇيەمەلدەۋ بويىنشا جەرگىلىكتى اتقارۋشى ورگانداردىڭ ءوزارا ءىس-قيمىلىنىڭ جاڭا الگوريتمى ازىرلەندى.

وتباسىن، ونىڭ ىشىندە بالالاردى جەرگىلىكتى قوعامداستىققا ءتيىمدى ينتەگراتسيالاۋ ءۇشىن الگوريتم الەۋمەتتىك، دەنساۋلىق ساقتاۋ جانە ءبىلىم بەرۋ قىزمەتتەرىن قوسا العاندا 25 بەيىمدەلۋ جانە ينتەگراتسيالىق قىزمەتتەرىن قامتيدى. قىزمەتتەردى قونىستاندىرۋ وڭىرلەرىندەگى مانساپ ورتالىقتارىنىڭ قىزمەتكەرلەرى كورسەتەدى.

«بەس جىل بويى وتباسىنىڭ سيفرلىق كارتاسى جانە موبيلدى قوسىمشا ارقىلى قونىس اۋدارۋشىلاردىڭ بەيىمدەلۋى باقىلانادى. جاڭا الگوريتم شىعىس قازاقستان جانە پاۆلودار وبلىستارىندا ءساتتى قولدانىلۋدا، ول قانداستار مەن قونىس اۋدارعاندار اراسىندا سۇرانىسقا يە. سوندىقتان الداعى ۋاقىتتا پيلوتتى باسقا وڭىرلەرگە دە ماسشتابتاۋدى جوسپارلاپ وتىرمىز»، - دەدى سۆەتلانا جاقىپوۆا.

اۆتور

ايجان سەرىكجان قىزى