قازاقستاندا ەڭ كوپ ساتىلاتىن پاتەرلەر 2 بولمەلى

استانا. KAZINFORM - كوپقاباتتى ۇيلەردەگى پاتەر ساۋداسىنىڭ نەگىزگى ۇلەسى الماتى (%24,3)، استانا (%23,5) قالالارىنا جانە قاراعاندى وبلىسىنا (%7,9) تيەسىلى. بۇل جايىندا ۇلتتىق ستات بيۋرو حابارلادى.

2024-جىلدىڭ قاڭتارىمەن سالىستىرعاندا، كوپپاتەرلى ۇيدەگى مامىلە سانى %4,4 (1128 مامىلەگە) ازايدى.

2024-جىلدىڭ اقپان ايىندا پاتەر بويىنشا بارلىعى 24517 مامىلە جاسالدى، بۇل جالپى مامىلە سانىنىڭ %80,3.

بولمە سانى بويىنشا 2 بولمەلى پاتەر ساتىلىمى باسىم بولدى، 2024-جىلدىڭ اقپانىندا وسىنداي 9167 مامىلە رەسىمدەلگەن.

2024-جىلدىڭ قاڭتار ايىمەن سالىستىرعاندا، اقپاندا جەكە تۇرعىن ۇيلەر بويىنشا تۇراقتىلىق بايقالادى، مامىلە سانى %0,8 نەمەسە 51 مامىلەگە ازايدى.

اقپاندا بارلىعى 6017 مامىلە تىركەلدى. سونىمەن قوسا، ازايۋ ەلىمىزدىڭ بارلىق ايماعىندا بايقالدى.

ەڭ جوعارى ءوسىم استانا (%65,7+)، الماتى (%14,1+) قالالارىندا جانە شىعىس قازاقستان وبلىسىندا (%9,4+) بايقالدى.

ال ءبىر ايداعى ەڭ ۇلكەن قۇلدىراۋ اباي (%23,7-)، سولتۇستىك قازاقستان (%10,8-) جانە تۇركىستان (%9,8-) وبلىستارىندا بولدى.

2024-جىلعى اقپاندا تۇرعىن ءۇيدى ساتىپ الۋ-ساتۋ مامىلەسى بىلتىرعى اقپانمەن سالىستىرعاندا %26,6 كوبەيگەن، ول كەزدە 24118 مامىلە رەسىمدەلگەن بولاتىن.

وڭ كورسەتكىش ۇلىتاۋ جانە ماڭعىستاۋ وبلىستارىنان باسقا ەلدىڭ بارلىق ايماعىندا تىركەلدى، ونداعى ازايۋ سايكەسىنشە %18,3 جانە %8,7.

پاۆلودار وبلىسىندا ۇلعايۋدىڭ ەڭ ۇلكەن كورسەتكىشى (%75,4) تىركەلدى.

2024-جىلدىڭ قاڭتار- اقپان ايلارىنداعى مامىلە سانىنىڭ 2023-جىلدىڭ قاڭتار-اقپان ايلارىنداعى مامىلە سانىمەن سالىستىرعاندا %28,6 وڭ ديناميكا بايقالدى.

اۆتور

جانات قاپالبايەۆا