قازاقستاندا جول اپاتى كوبىندە دۇيسەنبى جانە سارسەنبى كۇندەرى جاسالادى

قازاقستاندا جول اپاتى كوبىندە دۇيسەنبى جانە سارسەنبى كۇندەرى جاسالادى
Kazinform

 ستاتيستيكاعا سۇيەنسەك, بيىلعى 9 ايدا 9,8 مىڭنان استام جول-كولىك اپاتى تىركەلگەن, سونىڭ سالدارىنان 14 مىڭ ادام زارداپ شەكتى, دەپ حابارلايدى Kazinform باس پروكۋراتۋراعا سىلتەمە جاساپ. 

1,6 مىڭ ادام قازا تاپتى، ونىڭ ىشىندە:

210 - كامەلەتكە تولماعان بالالار،

488 - ايەلدەر،

1192 - ەر ادامدار.

سونداي-اق

660 - جولاۋشىلار،

485 - جاياۋ جۇرگىنشىلەر،

447 - جۇرگىزۋشىلەر.

ايماق بويىنشا ەڭ كوپ جول اپاتى:

الماتى قالاسى – 2556،

الماتى وبلىسى – 961،

جامبىل وبلىسى – 695،

تۇركىستان وبلىسى - 616

استانا قالاسى - 570.

اپاتتىڭ نەگىزگى سەبەپتەرى - ادامي فاكتور.

جىلدامدىقتى اسىرۋ – 2381،

جاياۋ جۇرگىنشىگە باسىمدىق بەرمەۋ – 1473،

جول بەلگىلەرىن ساقتاماۋ (جىلدامدىقتى شەكتەۋ بەلگىلەرىن ەسەپكە الماعاندا) – 380،

وزگە دە جول قوزعالىسى ەرەجەلەرىن ساقتاماۋ - 5635.

اپاتتىڭ %88 استامى جۇرگىزۋشىلەردىڭ (8703) كىناسىنەن بولادى، ونىڭ 305 ى الكوگول جانە ەسىرتكىگە ماس كۇيدە جاسالادى.

جول اپاتىنان زارداپ شەككەندەردىڭ جاس ەرەكشەلىگى:

17 جاسقا دەيىن – 3015،

30 - 39 جاسقا دەيىن - 2576،

21 - 29 جاسقا دەيىن - 2572،

60 جانە ودان جوعارى - 1320 جاستاعى ادامدار.

سونداي-اق كىنالىلەردىڭ اراسىندا كوبىنە:

30 - 39 جاس ارالىعىنداعىلار - 2509،

21 - 29 جاس ارالىعىنداعى - 2262،

60 تان جوعارى جاستاعى - 668.

جول اپاتىنىڭ كوپ بولىگى:

7380 - ەلدى مەكەندەردە،

1703 - حالىقارالىق، رەسپۋبليكالىق ماڭىزى بار تراسسالاردا،

789 - وبلىستىق، اۋداندىق ماڭىزى بار جولداردا تىركەلگەن.

جول اپاتىنىڭ ەڭ كوبى دۇيسەنبىدە جاسالادى - 1462، سارسەنبى - 1447، جەكسەنبى - 1418.

ونىڭ ىشىندە كوبى كۇندىزگى ۋاقىتتا - 6120، تۇندە - 1140، كۇن باتقاننان كەيىنگى مەزگىلدە -1493 بولعان.

كۇزگى- قىسقى كەزەڭنىڭ باستالۋى، سونداي-اق جول قولايسىزدىعى سالدارىنان اپات قاۋىپى ارتادى.

«وسى رەتتە اۆتوكولىكتىڭ تەحنيكالىق جاي- كۇيىن قاۋىپسىزدىك تالاپتارىنا سايكەستەندىرۋ، ۋاقتىلى قىسقى شينا سالدىرۋ، بەلگىلەنگەن جىلدامدىق رەجيمىن ساقتاۋ، جولدا وتە مۇقيات بولۋ، جول ەرەجەسىن ساقتاۋ قاجەتتىگىن ەسكە سالامىز. قىسقى كەزەڭدە (جەلتوقسان، قاڭتار، اقپان) قىسقى شينامەن جابدىقتالماعان كولىكتى پايدالانۋعا تىيىم سالىنادى. تەحنيكالىق رەگلامەنتتەردىڭ تالاپتارىنا جاۋاپ بەرمەيتىن كولىك قۇرالدارىن باسقارعانى ءۇشىن ق ر ا ق ب ت ك 590-بابىنىڭ 5-بولىگى بويىنشا اكىمشىلىك جاۋاپكەرشىلىك كوزدەلەدى جانە بەس ايلىق ەسەپتىك كورسەتكىش مولشەرىندە ايىپپۇل سالۋعا اكەپ سوعادى. قۇرمەتتى حالايىق! جول قوزعالىسى ەرەجەلەرىن ساقتاۋدى سۇرايمىز. وزىڭىزگە جانە جاقىندارىڭىزعا قامقور بولىڭىز» دەپ ەسكەرتەدى باس پروكۋراتۋرادان.

سوڭعى جاڭالىقتار