قازاقستاندا جاتىر موينى وبىرىنان جىلىنا 600 ايەل كوز جۇمادى
الماتى. KAZINFORM - قازاق ونكولوگيا جانە راديولوگيا عىلىمي- زەرتتەۋ ينستيتۋتىنىڭ دەرەگىنشە، قازاقستاندا جىل سايىن 1800 ايەلگە «جاتىر موينى وبىرى» دياگنوزى قويىلادى جانە ءبىر جىلدا وسى دەرتتەن 600 ادام قايتىس بولادى.
جاتىر موينى وبىرى - قازاقستاندىق ايەلدەردە ءجيى كەزدەسەتىن ونكولوگيالىق اۋرۋلاردىڭ ءبىرى. قازىر بۇل قاتەرلى ىسىكتىڭ تارالۋى ءسۇت بەزى وبىرىنان كەيىن ەكىنشى ورىندا تۇر.
دەنساۋلىق ساقتاۋ مينيسترلىگىنىڭ شتاتتان تىس باس ونكولوگى، قازاق ونكولوگيا جانە راديولوگيا عىلىمي زەرتتەۋ ينستيتۋتىنىڭ ءتورايىمى ديليارا قايداروۆانىڭ ايتۋىنشا، ۆاكسينا ارقىلى جاتىر موينى وبىرىنىڭ الدىن الۋعا بولادى. ەكپە پاپيللوما ۆيرۋسىنا قارسى سالىنادى. كوپ جاعدايدا جاتىر موينى وبىرىنىڭ دامۋىنا وسى ۆيرۋس سەبەپ.
«قاتەرلى ىسىكتىڭ بۇل ءتۇرىنىڭ سەبەبى كوپ جاعدايدا جىنىستىق جولمەن بەرىلەتىن ادام پاپيللوما ۆيرۋسى (HPV) بولىپ تابىلادى. HPV ۆاكتسيناتسياسى ا ق ش، كانادا، يزرايل، كاتار، ب ا ءا، ۇلىبريتانيا، گەرمانيا، اۆستريا، شۆەيتساريا، فرانسيا جانە جاپونيانى قوسا العاندا، الەمنىڭ 100 دەن استام ەلىنىڭ ۇلتتىق يممۋنداۋ باعدارلامالارىنا ەنگىزىلگەن. HPV گە قارسى ۆاكسيناتسيا كورشى ەلدەردە - وزبەكستان مەن تۇرىكمەنستاندا دا جۇرگىزىلەدى. الەمنىڭ 42 ەلىندە قىزداردى دا، ۇلداردى دا ۆاكتسيناتسيالاۋمەن گەندەرلىك بەيتاراپ ءتاسىل ەنگىزىلدى»، - دەدى ديليارا قايداروۆا.
ايتۋىنشا، جاپپاي ۆاكسيناتسيانى د د س ۇ، ACOG، ESGO، SGO، ACS سياقتى بەدەلدى حالىقارالىق مەديتسينالىق ۇيىمدار قولدايدى. بۇل دۇنيەجۇزىلىك دەنساۋلىق ساقتاۋ ۇيىمىنىڭ جاتىر موينى وبىرىن جويۋدى (ەليميناتسيا) جەدەلدەتۋ جونىندەگى جاھاندىق ستراتەگياسىنىڭ ماڭىزدى قۇرامداس بولىگى.
ۆاكسيناتسيا: قىزداردىڭ %90 ى 15 جاسقا دەيىن HPV ۆاكتسيناسىمەن ەگىلۋى كەرەك (ۇلداردى دا ەگۋ ۇسىنىلادى).
سكرينينگ: ايەلدەردىڭ %70 ى 35 جاسىندا جانە 45 جاسىندا جوعارى ءتيىمدى تەست ارقىلى سكرينينگتەن ءوتۋى ءتيىس.
ەمدەۋ: قاتەرلى ىسىككە دەيىنگى ايەلدەردىڭ %90 جانە ءينۆازيۆتى قاتەرلى ىسىككە شالدىققان ايەلدەردىڭ %90 ەمدەلگەنى ابزال.
قازاق ونكولوگيا جانە راديولوگيا عىلىمي-زەرتتەۋ ينستيتۋتىنان اتاپ وتكەندەي، قازاقستاندا 22-28-قاڭتار ارالىعىندا جاتىر موينى وبىرىنىڭ الدىن الۋ بويىنشا حالىقارالىق اپتالىق وتەدى.
سونداي- اق، الماتى ونكولوگيالىق ورتالىعى قالا تۇرعىندارى مەن قوناقتارىن 27-قاڭتار كۇنى ساعات 9.00 دەن 13.00 گە دەيىن ونكوگينەكولوگتەردىڭ تەگىن كەڭەسىنە شاقىرادى.
