قازاقستاندا «اڭساعان ءسابي» باعدارلاماسىنا كىمدەر قاتىسا الادى؟

ەكستراكورپورالدى ۇرىقتاندىرۋ باعدارلاماسىنا كىمدەر قاتىسا الادى؟ جولدامانى قايدان الۋ كەرەك؟ ونى قاي كلينيكالار جاسايدى؟

كوپشىلىكتى مازالاعان سۇراقتارعا مەديتسينالىق اقتاندىرۋ قورىنىڭ الماتى قالالىق فيليالى وكىلدەرى جاۋاپ بەردى، - دەپ حابارلايدى Massaget.kz ءتىلشىسى.

ق ر دەنساۋلىق ساقتاۋ مينيسترلىگىنىڭ مالىمەتى بويىنشا، قازىر 15 مىڭ ەرلى-زايىپتى بەدەۋلىك دياگنوزىمەن ەسەپتە تۇر. مىندەتتى الەۋمەتتىك مەديتسينالىق ساقتاندىرۋ ەسەبىنەن قارجىلاندىرىلاتىن «اڭساعان ءسابي» باعدارلاماسى ىسكە قوسىلعالى بەرى 20 مىڭ ايەل جاساندى ۇرىقتاندىرۋ قىزمەتىنە جۇگىنگەن.

باعدارلاماعا كىمدەر قاتىسا الادى؟

باعدارلاماعا قازاقستاندىق وتباسىلار قاتىسا الادى. تالاپ بويىنشا جۇپتىڭ جاسى 18 بەن 42 جاس ارالىعىندا بولۋعا ءتيىس جانە مەديتسينالىق ولشەمدەرگە ساي بولۋى قاجەت. م ءا م س بويىنشا ە ك ۇ پروتسەدۋراسىنان جىلىنا ءبىر رەت تەگىن وتۋگە بولادى. باعدارلاما ءساتسىز بولعان جاعدايدا كەزەككە قايتا تۇرۋعا بولادى.

م ءا م س ارقىلى ە ك ۇ جاسايتىن كلينيكالار ءتىزىمىن قايدان تابۋعا بولادى؟

قازىر ەلىمىزدە 19 كلينيكا مىندەتتى الەۋمەتتىك مەديتسينالىق ساقتاندىرۋ جۇيەسى شەڭبەرىندە جۇمىس ىستەيدى. جىل سايىنعى كۆوتا ايماقتاردىڭ سۇرانىسىنا قاراي بولىنەدى. ە ك ۇ جاساۋ كورسەتكىشى جاعىنان استانا، الماتى جانە شىمكەنت قالالارى كوش باستاپ تۇر. اتاپ ايتساق، الماتىدا م ءا م س شەڭبەرىندە جۇمىس ىستەيتىن 2 مىڭعا تارتا جاساندى ۇرىقتاندىرۋ جاسالدى.

پاتسيەنت كلينيكانى وزدىگىنشە تاڭداي الادى. ول ءۇشىن fms.kz رەسمي سايتىنداعى «پاتسيەنت ءۇشىن»، ارى قاراي «كلينيكانى تاڭداۋ» باتىرماسىن باسىپ، «ە ك ۇ قىزمەتىن كورسەتەتىن مەديتسينالىق ۇيىمدار تىزبەسىن» اشۋ كەرەك.

ول جەردە كلينيكالاردىڭ ءتىزىمى، مەكەنجايى جانە تەلەفونى كورسەتىلگەن.

ە ك ۇ- عا جولدامانى قالاي الادى؟

بۇل پروتسەدۋرا م ءا م س اياسىندا جاسالادى. سوندىقتان كۆوتا العىسى كەلەتىن پاتسيەنتتىڭ مارتەبەسى ساقتاندىرىلعان بولۋعا ءتيىس.

الدىمەن ءسابي سۇيگىسى كەلەتىن جۇپ رەپرودۋكتولوگتىڭ كونسۋلتاتسياسىنا بارۋى كەرەك. وعان جولدامانى ەمحاناداعى گينەكولوگ بەرەدى. قاجەتتى تەكسەرىلۋلەردەن سوڭ، پاتسيەنتتىڭ دەنساۋلىق كورسەتكىشتەرى ە ك ۇ جاساۋعا ساي كەلسە، قۇجاتتاردى جيناپ، دارىگەرلىك-كونسۋلتاتسيالىق كوميسسيادان وتەدى. كوميسسيا وڭ شەشىم شىعارعان سوڭ جۇپ كەزەككە تۇرادى.

2021-جىلدان بەرى جىل سايىن 7 مىڭ ە ك و پروتسەدۋرا م ءا م س ەسەبىنەن قارجىلاندىرىلىپ كەلەدى. م س ق مالىمەتىنشە، بيىل 4 مىڭنان اسا جاساندى ۇرىقتاندىرۋ جاسالعان. وعان 5 ميلليارد تەڭگەگە جۋىق قارجى جۇمسالعان.

ق ر د س م مالىمەتى بويىنشا، «اڭساعان ءسابي» باعدارلاماسى ىسكە اسىرىلا باستاعاننان بەرى 5000 نارەستە دۇنيەگە كەلدى.

جاساندى جولمەن ۇرىقتاندىرۋعا قانشا قاراجات جۇمسالادى؟

باعدارلاما اياسىندا ءبىر ادامعا م ءا م س ەسەبىنەن ورتا ەسەپپەن 1 ميلليون تەڭگە بولىنەدى. رەپرودۋكتولوگتاردىڭ ايتۋىنشا، ونىڭ 600 مىڭ تەڭگەسى ستيمۋلياتسيالاۋعا ارنالعان گورمون پرەپاراتتارعا جۇمسالادى. 200-300 مىڭ تەڭگە شىعىن ماتەريالدارىن جابۋعا كەتەدى.

قانداي جاعدايدا كۆوتا بەرىلمەۋى مۇمكىن؟

دارىگەرلەر ايەلدى مەديتسينالىق تەكسەرۋ بارىسىندا بىرنەشە ماسەلەنى ەسكەرەدى. ولار جاتىردىڭ تۋا بىتكەن نەمەسە جۇرە بىتكەن اۋىتقۋى، سوماتيكالىق جانە پسيحيكالىق اۋرۋلار، انالىق بەز ىسىكتەرى، وتكىر قابىنۋ بەلگىلەرى مەن كەز كەلگەن ىسىك تابىلعان جاعدايدا پاتسيەنتكە ەكستراكورپورال ۇرىقتاندىرۋ جاسالمايدى.

قوسىمشا سۇراقتارىڭىز بولسا ەمحاناداعى «پاتسيەنتتەردى قولداۋ قىزمەتىنە» جۇگىنە الاسىز. ماسەلە شەشىلمەگەن جاعدايدا قوردىڭ fms.kz رەسمي سايتى، Qoldau 24/7 موبيلدى قوسىمشاسى، Telegram-داعى @Saqtandyr‎Bot ،1414 ءبىرىڭعاي بايلانىس ورتالىعى سىندى بايلانىس ارنالارى ارقىلى ءوتىنىش-شاعىم قالدىرۋعا بولادى.

ساقتاندىرۋ مارتەبەسىن تەكسەرۋگە ارنالعان قوسىمشالار:

Qoldau 24/7 موبيلدى قوسىمشاسى؛

fms.kz رەسمي سايتى؛

Telegram-داعى @Saqtandyr‎Bot؛

1414 بايلانىس ورتالىعى؛

Damumed موبيلدى قوسىمشاسى؛

ەكىنشى دەڭگەيلى بانكتەردىڭ موبيلدى قوسىمشالارى: Kaspi.kz ،Halyk ، Bcc.kz.

سونداي-اق، ەلەكترون ۇكىمەتتىڭ egov.kz سايتىنداعى «دەنساۋلىق ساقتاۋ» بولىمىندە «مىندەتتى الەۋمەتتىك مەديتسينالىق ساقتاندىرۋ جۇيەسىنە مەديتسينالىق كورسەتىلەتىن قىزمەتتى تۇتىنۋشى رەتىندە قاتىسۋ تۋرالى جانە اۋدارىمداردىڭ جانە جارنالاردىڭ اۋدارىلعان سومالارى تۋرالى اقپارات ۇسىنۋ» مەملەكەتتىك قىزمەتى ارقىلى مەديتسينالىق ساقتاندىرۋ جۇيەسىندەگى ءوز مارتەبەڭىزدى تەكسەرۋگە جانە جۇرگىزىلگەن تولەمدەر تۋرالى اقپارات الۋعا بولادى.