قازاقستاندا جالاقىنى قالاي كوبەيتىپ الۋعا بولادى؟
يپوتەكالىق نەسيەسى بار قازاقستاندىقتار سالىق شەگەرىمى ارقىلى، «قولىنا الاتىن» جالاقىسىن كوبەيتە الادى.
مەملەكەتتىك كىرىستەر كوميتەتى Tengrinews.kz رەداكسياسىنىڭ رەسمي ساۋالىنا بەرگەن جاۋابىندا كورسەتكەن مالىمەت بويىنشا، قازاقستاننىڭ رەزيدەنتى بولىپ تابىلاتىن جەكە تۇلعانىڭ قازاقستانداعى تۇرعىن ءۇي جاعدايلارىن جاقسارتۋعا تۇرعىن ءۇي قۇرىلىس جيناق بانكتەرىنەن الىنعان يپوتەكالىق تۇرعىن ءۇي قارىزدارى بويىنشا سىياقى سوماسى مولشەرىندە سالىق شەگەرىمىنە قۇقىعى بار.
سالىق شەگەرىمدەرىن قولدانۋ ءۇشىن راستايتىن قۇجاتتاردىڭ كوشىرمەسىن قوسا وتىرىپ، ءوتىنىش بەرۋ كەرەك. ولارعا مىنالار جاتادى:
تۇرعىن ءۇي قۇرىلىس جيناق بانكىمەن تۇرعىن ءۇي يپوتەكالىق نەسيە شارتى.
سىياقى سوماسىن بولىنگەن يپوتەكالىق تۇرعىن ءۇي نەسيەسىن وتەۋ كەستەسى.
نەسيە بويىنشا سىياقىنى وتەۋدى راستايتىن قۇجات.
«سالىق شەگەرىمدەرى مىناداي كۇندەردىڭ ەڭ كەشى كەلەتىن سالىق كەزەڭىندە قولدانىلادى: يپوتەكالىق تۇرعىن ءۇي قارىزىن وتەۋ كەستەسى بويىنشا سىياقىنى وتەۋ كۇنى؛ سىياقىنى تولەۋ كۇنى»، - دەپ ناقتىلادى كوميتەت.
