قازاقستاندا جاڭا سپورت تەلەارناسى اشىلادى
قازاقستاندىق جاڭا SPORT+ سپورت تەلەارناسى 7- قازاندا حابار تاراتا باستايدى.

قازىردىڭ وزىندە AFC چەمپيوندار ليگاسىن كورسەتۋ قۇقىعىن ساتىپ العانى بەلگىلى، قازاقستاندىق كورەرمەندەر نەيمار، كريشتيانۋ رونالدۋ مەن كارىم بەنزەما سياقتى فۋتبول سۋپەرجۇلدىزدارىنىڭ ويىنىنان ءلاززات الا الادى.
سونىمەن قاتار، قازاقستاندىق جاڭا تەلەارنانىڭ كورەرمەندەرى انگليا، يتاليا، گەرمانيا مەن پورتۋگاليا كۋبوگى، سونداي-اق، نيدەرلاند چەمپيوناتىنىڭ ماتچتارىن تاماشالاي الادى.
جەكپە-جەك ونەرىن ءسۇيىپ كورەتىندەر دە ترانسلياتسيادان قۇر قالمايدى. بەدەلدى One FC جانە PFL MMA ليگالارىنىڭ تۋرنيرلەرىن كورسەتۋگە كەلىسىم بار.
ال كاسىپقوي بوكس فاناتتارىنا «ESPN كلاسسيكاسى» ۇسىنىلادى - موحامەد ءالي جانە مايك تايسون سەكىلدى سپورت اڭىزدارىنىڭ جەكپە-جەكتەرى قايتا كورسەتىلەدى.
«حابار ەكى تىلدە - قازاقشا جانە ورىسشا تاراتىلادى. كۇنىنە 20 ساعات حابار تاراتامىز دەگەن جوسپار بار. قازاقستاندىق تانىمال جۋرناليستەر مەن كوممەنتاتورلاردى شاقىردىق. ءبىرقاتار تانىمال كوممەنتاتورلاردى ايتا الامىن، ءبىزدىڭ كوماندامىزدا ديدار قادىروۆ پەن ايبەك قابىلشا بار. جاڭا، اۆتورلىق ستۋديالىق باعدارلامالار ءتۇسىرۋ ءۇشىن جاعداي جاساپ جاتىرمىز. سپورت ساراپتاماسىنا دا كوڭىل بولىنەدى. ءبىزدىڭ ارنامىزدى تاماشالاڭىزدار. سىزدەرگە ۇنايتىنىنا سەنىمدىمىن»، - دەدى SPORT+ ديرەكتورى اسحات جاقايەۆ.
تەلەارنانى TV+ ،IDTV، جانە MEGOGO پاكەتتەرىنەن تابا الاسىزدار.
سونداي-اق، تەلەارنانى live رەجيمىندە sportplustv.kz سايتىنان كورە الاسىزدار.