قازاقستاندا جاڭا مەملەكەتتىك كومپانيا قۇرىلادى

استانا. KAZINFORM - «تەڭىز جاساعى» اكتسيونەرلىك قوعامىن قۇرۋ تۋرالى ۇكىمەت قاۋلىسى اشىق ن ق ا پورتالىندا جاريالاندى.

ۇكىمەت قاۋلىسىنا سايكەس، «تەڭىز جاساعى» ا ق مەملەكەتتىك كومپانياسى كەلەسى قىزمەتتەردى اتقارادى:

1. سولتۇستىك كاسپي مۇنايدىڭ توگىلۋىنە ارەكەت ەتۋ ەكولوگيالىق بازاسىن جانە كاسپي تەڭىزىنىڭ قايراڭىندا ىسكە اسىرىلاتىن باسقا دا تەڭىزدەگى مۇناي وپەراتسيالارىنا قولداۋ كورسەتەتىن ينفراقۇرىلىمدىق نىسانداردى پايدالانۋعا بەرۋ، پايدالانۋ، باسقارۋ جانە سەرۆيستىك قىزمەت كورسەتۋ؛

2. كاسپي تەڭىزىنىڭ قايراڭىندا ىسكە اسىرىلاتىن تەڭىزدەگى مۇناي وپەراتسيالارىنا قولداۋ كورسەتەتىن ينفراقۇرىلىمدىق نىسانداردى جاساۋ؛

3. مۇنايدىڭ توگىلۋىنىڭ الدىن الۋ جانە توگىلگەن جاعدايدا تەڭىزدە جانە جاعالاۋدا ارەكەت ەتۋ جۇمىستارى؛

4. مۇناي-گاز جابدىعىن شىعارۋ جانە سەرۆيستىك قىزمەت كورسەتۋ جوبالارىنا قاتىسۋ؛

5. مۇناي-گاز سالاسىندا تەحنيكالىق قولداۋ كورسەتۋ.

سونداي-اق، قاۋلى جوباسىندا كومپانيانىڭ جارعىلىق كاپيتالىنا مەملەكەتتىڭ %100 قاتىساتىنى ايتىلعان.

«تەڭىز جاساعى» اكتسيونەرلىك قوعامىنا توتەنشە جاعدايلار مينيسترلىگىنە يەلىك ەتپەك جانە كومپانيا ماڭعىستاۋ وبلىسىندا ورنالاسادى. قاۋلى جوباسى 26-شىلدەگە دەيىن كوپشىلىك نازارىنا تالقىلاۋعا ۇسىنىلىپ وتىر.