قازاقستاندا جاڭا بانك پايدا بولدى

استانا. KAZINFORM - قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى «بيەنكەي كوممەرتسيالىق بانكى» ا ق- نا بانك وپەراتسيالارىن جۇرگىزۋگە ليتسەنزيا بەردى.

حابارلانعانداي، بانك اكتيۆتەرى 103 ميلليارد ا ق ش دوللارىنان اساتىن وڭتۇستىككورەيالىق BNK Financial Group Inc. حالىقارالىق قارجىلىق حولدينگىنىڭ ءبىر بولىگى.

شەتەلدىك بانكتىڭ اشىلۋى مەملەكەت باسشىسىنىڭ 2023 -جىلعى قىركۇيەكتە قازاقستان حالقىنا جىل سايىنعى جولداۋىندا جاريالانعان ەلگە سەنىمدى شەتەلدىك بانكتەردى تارتۋ جانە بانك سەكتورىنداعى باسەكەلەستىكتى ارتتىرۋ جونىندەگى تاپسىرماسىن ورىنداۋعا سايكەس كەلەدى. بۇل قازاقستاندا 2010 -جىلدان بەرى بەرىلگەن العاشقى بانك ليتسەنزياسى. «بيەنكەي بانكى» امبەباپ سيفرلىق قىزمەتتەردى دامىتۋعا، شاعىن جانە ورتا بيزنەستى نەسيەلەندىرۋگە جانە اۆتونەسيە بەرۋگە باعىتتالعان.

قايتا قۇرۋ كەزىندە ۇيىمنىڭ اكتيۆتەرى 25,8 ميلليارد تەڭگەنى، ال نەسيەلىك پورتفەلى 21,8 ميلليارد تەڭگەنى قۇرادى. 2024 -جىلدىڭ قورىتىندىسى بويىنشا ۇيىم اكتيۆ كولەمى بويىنشا ميكروقارجى ۇيىمدارى اراسىندا 15- ورىنعا يە بولدى.

بۇدان بۇرىن قارجى نارىعىن رەتتەۋ جانە دامىتۋ اگەنتتىگى ەلىمىزدەگى ەكىنشى دەڭگەيلى بانكتەردىڭ بالانسىندا قانشا مەملەكەتتىك قاراجات بارىن ءمالىم ەتتى.