قازاقستاندا جاڭا ايىپپۇل ءتۇرى سالىنا باستادى

استانا. KAZINFORM – قازاقستاندا جاڭا ايىپپۇل قولدانىلا باستادى. بۇل تۋرالى ساۋدا جانە ينتەگراتسيا مينيسترلىگى مالىمدەدى.

نە ءۇشىن ايىپپۇل سالىنادى؟

اكىمشىلىك قۇقىقبۇزۋشىلىقتار تۋرالى كودەكسكە 2025-جىلعى 13-ناۋرىزدا وزگەرىستەر ەندى.

«نەگىزگى جاڭالىق: ءبىرىنشى رەت زاڭ بۇزعانى ءۇشىن بۇرىن ەسكەرتۋ بەرىلسە، ەندى بىردەن ايىپپۇل سالىنادى. بۇل وزگەرىستەرگە سايكەس الەۋمەتتىك ماڭىزى بار ازىق-تۇلىك تاۋارلارىنىڭ ۇستەمەسىن %15 دان اسىرعان جاعدايدا كاسىپكەرلەرگە ەسكەرتۋ جاسالماي، بىردەن ايىپپۇل سالىنادى»، - دەپ جازىلعان حابارلامادا.

بۇعان دەيىن ءبىرىنشى رەت زاڭ بۇزعان كاسىپكەرگە تەك ەسكەرتۋ بەرىلىپ، ايىپپۇل 1 جىل ىشىندە قايتالانعان جاعدايدا قولدانىلاتىن. ەندى ءبىرىنشى رەت زاڭ بۇزعانى ءۇشىن دە ايىپپۇل سالىنباق.

مولشەرى قانشا؟

ونىڭ مولشەرى مىناداي:

جەكە كاسىپكەرلەر مەن شاعىن بيزنەس - 5 ا ە ك (19660 تەڭگە)؛

ورتاشا بيزنەس - 35 ا ە ك (137620 تەڭگە)؛

ءىرى ساۋدا جەلىلەرى - 150 ا ە ك (589800 تەڭگە).

ءبىر جىل ىشىندە زاڭبۇزۋشىلىق قايتالانسا، ايىپپۇل مولشەرى ەكى ەسە ارتادى.

مينيسترلىك مالىمەتىنشە، بۇل وزگەرىستەردىڭ ماقساتى - الەۋمەتتىك ماڭىزى بار ونىمدەردىڭ باعاسىن تۇراقتى ۇستاۋ جانە باعا نەگىزسىز وسۋىنە جول بەرمەۋ. قازىر ساۋدا نۇكتەلەرىنە باقىلاۋ كۇشەيگەن.

ۆەدومستۆو ءار كاسىپكەر ءا م ا ت- قا بەلگىلەنگەن %15 شەكتى ساۋدا ۇستەمەسىن ساقتاۋى كەرەك ەكەنىن مالىمدەدى.

ايتا كەتەيىك، 20-ناۋرىزعا دەيىن 70-ايىپپۇل (5 ميلليون تەڭگە) سالىنىپ، 1119 ەسكەرتۋ بەرىلگەن.

ۇلتتىق ستاتيستيكا بيۋروسىنىڭ مالىمەتتەرى بويىنشا 1-ساۋىردەگى جاعدايعا سايكەس الەۋمەتتىك ماڭىزى بار ازىق-تۇلىك تاۋارلارىنىڭ باعا يندەكسى كەيىنگى اپتادا %0,3 عا وسكەن.

ەسكە سالايىق، بۇعان دەيىن ساۋدا جانە ينتەگراتسيا مينيسترلىگى ا ق ش پرەزيدەنتى دونالد ترامپتىڭ 185 ەلدەن، سونىڭ ىشىندە قازاقستاننان دا يمپورتقا باج سالىعىن ەنگىزۋ تۋرالى شەشىمىنە پىكىر ءبىلدىردى.