قازاقستاندا شەتەلدىكتەردى دەپورتاتسيالاۋ ەرەجەسى وزگەرۋى مۇمكىن
استانا. KAZINFORM - قازىر كوشى-قون باقىلاۋىن كۇشەيتۋگە باعىتتالعان تۇزەتۋلەردىڭ جاڭا پاكەتىن ازىرلەۋ ماسەلەسى پىسىقتالىپ جاتىر. بۇل تۋرالى بۇگىن ىشكى ىستەر مينيسترلىگى كوشى-قون قىزمەتى كوميتەتىنىڭ ءتوراعاسى اسلان اتالىقوۆ ايتتى.
«ەل زاڭناماسىن بۇزعان شەتەلدىكتەردى مەملەكەت اۋماعىنان شىعارۋ ءتارتىبى قايتا قارالىپ جاتىر. ءقازىر بۇل ءتارتىپ وتە كۇردەلى. شەتەلدىكتەردى شىعارۋدىڭ پروتسەسى تىم ۇزاق»، - دەدى ا. اتالىقوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
سونىمەن قاتار ول شەتەلدىكتەردى تىركەۋ ينستيتۋتىن قايتارۋ ماسەلەسى پىسىقتالىپ جاتقانىن ايتتى. بۇل ءوز كەزەگىندە تۋريستەرگە ەمەس، قازاقستاندا 30 كۇننەن ارتىق بولعىسى كەلەتىندەرگە قاتىستى بولادى.
«جاڭا دەپورتاتسيا ينستيتۋتىن ەنگىزۋ جوسپارلانعان. بۇل تۇرعىدا زاڭ تالاپتارىن ورەسكەل تۇردە بۇزاتىنداردى قازاقستان اۋماعىنان جەدەل شىعارۋ قادامدارى ەسكەرىلگەن»، - دەدى كوميتەت باسشىسى.
بۇدان بۇرىن حابارلانعانداي، بيىل ەلىمىزدەگى شەتەلدىكتەرگە 1 ميلليارد تەڭگە ايىپپۇل سالىندى.
