قازاقستاندا دونورلارعا تولەنەتىن اقشانى 5 ەسە كوتەرۋ ۇسىنىلدى

  استانا. KAZINFORM - سەناتور اقمارال ءالنازاروۆا ءوزىنىڭ دەپۋتاتتىق ساۋالىندا قازاقستاندا قان دونورلارىن قولداۋدىڭ كەمشىلىكتەرىن ايتتى.

وسى ورايدا ول ۇكىمەت باسشىسى ءاليحان سمايىلوۆتىڭ اتىنا دەپۋتاتتىق ساۋال جولدادى.

دەپۋتاتتىڭ ايتۋىنشا، ەلىمىزدە جىل سايىن 250 مىڭعا جۋىق ادام دونور بولادى، ونىڭ 47 پايىزى تۇراقتى دونور سانالادى.

دونور بولعان جان قان بەرگەننەن كەيىن، اعزانىڭ ەنەرگيا شىعىنىنىڭ دەڭگەيىن تولتىرۋى كەرەك.

ول ءۇشىن دونورلارعا ارنايى تولەم - 0,25 اە ك (923 تەڭگە) تولەنەدى.

سەناتوردىڭ پايىمىنشا، بۇل سوما ادام اعزاسىنداعى ميكروەلەمەنتتەر مەن كالورياعا دەگەن قاجەت دەڭگەيدى قالپىنا كەلتىرۋ جانە انەميانىڭ الدىن الۋعا تىم جەتكىلىكسىز.

«ەرىكتى دونورلاردىڭ دەنساۋلىعى ءتيىستى تۇردەگى قولداۋدى قاجەت ەتەدى. ۇسىنىستارعا سايكەس، دونور قان تاپسىرعان كۇنى انەميانىڭ الدىن الۋ ءۇشىن ءتيىستى راتسيوندا تاماقتانىپ، جوعالتقان كيلوكالوريا مەن ميكروەلەمەنتتەردىڭ ورنىن تولتىرۋى كەرەك. قازىرگى كەزدە قان دونورى قان بەرگەن كەزدەگى كۇش- قۋاتى شىعىنىنىڭ وتەماقىسى رەتىندە 0,25 ا ە ك (923 تەڭگە) الادى. بۇل ماسەلە 10 جىل بويى بىرنەشە رەت كوتەرىلسە دە، وعان نازار اۋدارىلماي كەلەدى. وسى رەتتە، ۇكىمەتتەن دونورلارعا وتەماقىنى 0,25-تەن 1,25 ا ە ك- كە دەيىن (4615 تەڭگە) ءتيىستى تۇردە ۇلعايتۋ مۇمكىندىگىن قاراستىرۋدى سۇرايمىن. قوسىمشا بيۋدجەت قاراجاتى — جىلىنا 848 ميلليون تەڭگە»، - دەدى اقمارال ءالنازاروۆا.