قازاقستاندا ءۇي جانۋارلارىنىڭ باعاسى قانشا
اسىل تۇقىمدى ءۇي جانۋارىن ساتىپ الۋ، ونى اسىراۋ كوپ اقشانى قاجەت ەتەدى، دەپ حابارلايدى Kazinform ءتىلشىسى.
ءۇي جانۋارىنىڭ باعا رەيتينگىن جاساۋ ءۇشىن مىسىق، ءيت، توتىقۇس جانە اكۆاريۋم بالىعى تاڭدالدى.
مىسىق
اسىل تۇقىمدى مىسىق ساتاتىن ادام كوپ. ءبىز باعانى سالىستىرۋ كەزىندە سيام، بريتان، بەنگال جانە سفينكس تۇقىمىن تاڭدادىق.
سيام تۇقىمدى مارعاۋ باعاسى 5000 تەڭگەدەن باستالىپ، 50000 تەڭگەگە جەتەدى.
بريتان تۇقىمدى مارعاۋ باعاسى 15000 تەڭگەدەن باستالىپ، 80000 تەڭگەگە دەيىن بارادى. مارعاۋ ءجۇنىنىڭ، كوزىنىڭ ءتۇسى، قانى باعاعا اسەر ەتەدى.
سفينكس مارعاۋ باعاسى 20000 تەڭگەدەن باستالىپ تۇر. مارعاۋدىڭ بۇل ءتۇرىنىڭ باعاسى كەيدە 190000 تەڭگەگە جەتەدى. ارزانىنىڭ قانى كەيدە تازا بولماۋى مۇمكىن.
بەنگال مارعاۋىنىڭ باعاسى 100000 - 380000 تەڭگە.
ءيت
باعا رەيتينگىنە تاكسا، تازى، پەكينەس جانە لابرادور تۇقىمدى ءيت كۇشىگى تاڭدالدى.
تاكسا باعاسى 5000 تەڭگەدەن باستالىپ 90000 تەڭگەگە دەيىن جەتەدى.
تازى (قازاقى تازى) باعاسى 10000 تەڭگەدەن باستالىپ 50000 تەڭگەگە جەتىپ تۇر. بۇل اڭعا شىعاتىن تازى.
پەكينەس تۇقىمدى ءيت كۇشىگىنىڭ باعاسى - 20000-105000 تەڭگە ارالىعىندا. ۇيدە باعا تومەن، ال كورمەدە قۇنى جوعارى.
لابرادور - ەڭ قىمباتى. باعاسى 50000 تەڭگەدەن باستالىپ، 400000 تەڭگەگە جەتەدى. تۇقىمدى ءيتتى تاماقتاندىرۋ دا قىمباتقا تۇسەدى.
بالىق
اكۆاريۋمداعى بالىق باعاسى قولجەتىمدى. ءبىراق ءول ۇشىن اكۆاريۋم جانە وعان قاجەتتى قۇرىلعىلاردى قوسا ساتىپ الۋ كەرەك.
گۋپپي - 100 - 500 تەڭگە.
قىلىش بالىق - 200-500 تەڭگە.
سكالياريا - 200 - 1000 تەڭگە.
التىن بالىق - 400 - 3000 تەڭگە.
سوم - 400 - 5500 تەڭگە.
ايقاسقاق - 800 - 9000 تەڭگە. بۇل كوزگە بىردەن تۇسەتىن شيراق بالىق.
بالىق كۇتىمى ءارتۇرلى. تاڭداۋ كەزىندە وزىندىك ەرەكشەلىگى مەن اكۆاريۋم كولەمىنە ءمان بەرگەن ءجون.
توتىقۇس
توتىقۇستاردىڭ دا باعاسى ءارتۇرلى.
بۇيرا توتىقۇس - 2500 - 7500 تەڭگە.
ايىرىلماستار - 6000 - 15000 تەڭگە. ءتۇسى بۇيرا توتىقۇستارعا ۇقسايدى، ءبىراق ءتۇرى سالماقتى كورىنەدى. اتى ايتىپ تۇرعانداي، بىردەن ەكەۋىن ساتىپ الۋ كەرەك.
كورەللا - 8500 - 25000 تەڭگە. بۇيرا جانە ايىرىلماستار توتىقۇسىنا قاراعاندا ءىرى.
جاكو - 400000 - 700000 تەڭگە. بۇل توتىقۇس سويلەيدى.
كاكادۋ - قۇنى 1 ميلليون تەڭگە جانە ودان جوعارى. كوبىنە تاپسىرىسپەن ساتىلادى.
