قازاقستاندا بيداي القاپتارى قىسقارىپ، باسقا داقىلدار كوبىرەك ەگىلەدى

 استانا. KAZINFORM - 2028 -جىلعا قاراي قازاقستانداعى بيداي القاپتارى 855 مىڭ گەكتارعا قىسقارادى. ق ر اۋىل شارۋاشىلىعى ءمينيسترى ايداربەك ساپاروۆ ەلدەگى ەگىستىك القاپتارىن ءارتاراپتاندىرۋ جۇمىستارى تۋرالى ايتىپ بەردى.

«ءبىزدىڭ فەرمەرلەرمەن جانە اكىمدىكتەرمەن بىرلەسكەن مىندەتىمىز - ەگىس القاپتارىنىڭ قۇرىلىمىن ءارتاراپتاندىرۋ، 2028 -جىلعا قاراي بيداي القاپتارى 855 مىڭ گەكتارعا قىسقارۋى ءتيىس، ءبىراق ونىمدىلىكتى ارتتىرۋ شارالارىن قابىلداۋ كەزىندە جالپى الىم تومەندەمەۋگە ءتيىس»، - دەدى مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، 5 جىل ىشىندە قاراقۇمىق سياقتى الەۋمەتتىك ماڭىزى بار داقىلداردى 50 مىڭ گەكتارعا ارتتىرۋ، مايلى داقىلداردى 3,7 ميلليون گەكتارعا جەتكىزۋ، جەم- ءشوپ القاپتارىن 500 مىڭ گەكتارعا ۇلعايتۋ جوسپارلانعان.

ال وڭتۇستىك وڭىرلەر ءۇشىن كۇرىش القاپتارىن قىسقارتۋ بويىنشا ينديكاتيۆتەر ازىرلەندى. بيىل ەگىس كولەمىن 6 مىڭ گەكتارعا جانە الداعى 5 جىل ىشىندە 21 مىڭ گەكتارعا قىسقارتۋ مىندەتى تۇر.

«تۋرا وسىنداي جۇمىس ماقتا ءوسىرۋ بويىنشا دا جۇرگىزىلۋى كەرەك. سونىڭ ناتيجەسىندە شامامەن 1,4 ميلليارد M3 سۋ ۇنەمدەلەدى. قانت قىزىلشاسى القاپتارىن 5 جىلدا 27 مىڭ گەكتارعا ۇلعايتۋ قاجەت، بۇل قانتپەن قامتاماسىز ەتۋ دەڭگەيىن 6 دان %45 عا دەيىن ارتتىرادى. باسقا دا الەۋمەتتىك ماڭىزدى داقىلدارىنىڭ الاڭدارىن ۇلعايتۋ جوسپارلارى قويىلدى»، - دەدى اۋىل شارۋاشىلىعى ءمينيسترى.

اۆتور

ايجان سەرىكجان قىزى