قازاقستاندا بياتلوننان جاس وسپىرىمدەر اراسىندا قىسقى ازيا چەمپيوناتى وتەدى

استانا. KAZINFORM - اقمولا وبلىسى شۋچە قالاسىندا بياتلوننان جاستار مەن جاس وسپىرىمدەر اراسىندا قىسقى ازيا چەمپيوناتى وتەدى.

قۇرلىقتىق دودا 10-20-ناۋرىز ارالىعىندا شۋچە قالاسىننداعى قىسقى سپورت تۇرلەرى بويىنشا وليمپيادالىق دايارلاۋ ورتالىعىنىڭ بازاسىندا وتكىزىلەدى.

قازاقستان بياتلونشىلار وداعىنىڭ باسپا ءسوز قىزمەتىنىڭ حابارلاۋىنشا، قۇرلىقتىق دودادا ازيانىڭ 7 ەلىنەن 100 دەن استام جاس سپورتشى كەلەدى.

جارىسقا قاتىسۋشىلار 3 سايىس ءتۇرى بويىنشا سىنعا تۇسەدى. ولاردىڭ قاتارىندا قىتاي تايپەيى، جاپونيا، وڭتۇستىك كورەيا، موڭعوليا، قىرعىزستان، تايلاند جانە قازاقستان مەملەكەتتەرى بار.

قۇرلىقتىق دودادا بالالار مەن جاسوسپىرىمدەر بياتلونىن دامىتۋ باعدارلاماسى اياسىندا جۇزەگە اسادى.

جارىس ازيا بياتلون فەدەراتسياسىنىڭ قولداۋىمەن وتكىزىلەدى.

2025 -جىلى قىتايدا قىسقى ازيا ويىندارىن وتكىزۋ جوسپارلانىپ وتىر.

جارىس باعدارلاماسى:

12-ناۋرىز، سەيسەنبى- جەكە جارىس (جاس ءوسپىرىم ۇلدار، جاس ءوسپىرىم قىزدار)
13-ناۋرىز، سارسەنبى- جەكە جارىس (جەتكىنشەك ۇلدار، جەتكىنشەك قىزدار)
14-ناۋرىز، بەيسەنبى- سپرينت (جەتكىنشەك ۇلدار، جەتكىنشەك قىزدار)
15-ناۋرىز، جۇما- سپرينت (جاس ءوسپىرىم ۇلدار، جاس ءوسپىرىم قىزدار)
16-ناۋرىز، سەنبى- ءىز كەسۋ (جەتكىنشەك ۇلدار، جەتكىنشەك قىزدار)
17 ناۋرىز، جەكسەنبى- ءىز كەسۋ (جاس ءوسپىرىم ۇلدار، جاس ءوسپىرىم قىزدار)

ەسكە سالساق، الماتىدا جەر سىلكىنىسىنە بايلانىستى Eurasia Jastar Cup حوككەي تۋرنيرى وتپەيتىن بولدى.