قازاقستاندا بۇقا ەكسپورتىنا ۋاقىتشا تىيىم سالىندى

استانا. KAZINFORM - كەشەدەن باستاپ ەل اۋماعىنان بۇقانى سىرتقا ساتۋعا تىيىم جاريالاندى.

2025 -جىلعى 14- مامىردا اۋىل شارۋاشىلىعى مينيسترلىگى مەن قارجى مينيسترلىگىنىڭ بىرلەسكەن بۇيرىعى قول قويىلىپ، اۋىل شارۋاشىلىعى جانۋارلارىن ەكسپورتتاۋعا قاتىستى 2025 -جىلعى 7- ساۋىردەگى بىرلەسكەن بۇيرىققا تولىقتىرۋلار ەنگىزىلدى.

اتاپ ايتقاندا، قازاقستان رەسپۋبليكاسىنىڭ اۋماعىنان ءىرى قارا مالدىڭ بۇقاسىن ەكسپورتتاۋعا ءۇش اي مەرزىمگە تىيىم سالىندى.

جاڭا بۇيرىق 2025 -جىلعى 15-مامىردا كۇشىنە ەندى.

ءساۋىردىڭ باسىندا قازاقستاننان ءىرى قارا مەن ۇساق مالدى ەكسپورتتاۋعا ۋاقىتشا تىيىم سالىنعان ەدى.

ايتا كەتەيىك، ۋاقىتشا تىيىم جاپپاي ەكسپورتقا جول بەرمەۋ جانە اۋىلشارۋاشىلىق جانۋارلارىنىڭ سانىنىڭ تۇراقتى ءوسۋىن قامتاماسىز ەتۋ ماقساتىندا ەنگىزىلگەن.