قازاقستاندا اپتا ىشىندە بولعان كادرلىق تاعايىنداۋلار
استانا. KAZINFORM - وسى اپتا ەلىمىزدىڭ جەرگىلىكتى اتقارۋشى ورگاندارىندا ءبىرقاتار كادرلىق اۋىس-ءتۇيىس بولدى.
بۇل اپتادا پرەزيدەنت ۇ ق ك سىبايلاس جەمقورلىققا قارسى ءىس-قيمىل قىزمەتىنىڭ ديرەكتورى لاۋازىمىنا نۇرجان قۇسايىنوۆتى تاعايىندادى. بۇعان دەيىن ق ر ۇلتتىق قاۋىپسىزدىك كوميتەتىنە قوسۋ ارقىلى ق ر سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەت) قايتا ۇيىمداستىرىلادى.
سونداي-اق، پرەزيدەنت اكىمشىلىگىنىڭ كەلىسىمىمەن جانە جامبىل وبلىسى اكىمىنىڭ وكىمىمەن ايجان سەرىكباي قىزى ەسماعامبەتوۆا جامبىل وبلىسى اكىمىنىڭ ورىنباسارى (الەۋمەتتىك جۇمىس بويىنشا) بولىپ تاعايىندالدى.
ايجان سەرىكباي قىزى 1972 -جىلى دۇنيەگە كەلگەن. ءبىلىمى جوعارى. 1997 -جىلى قازاق مەملەكەتتىك مەديتسينا ۋنيۆەرسيتەتىن «سانيتاريا، گيگيەنا جانە ەپيدەميولوگيا»، 2005 -جىلى «ق د س ج م» قازاقستاندىق مەديتسينا ۋنيۆەرسيتەتىن «قوعامدىق دەنساۋلىق ساقتاۋ» جانە 2008 -جىلى Almaty Management University-ىن «دەنساۋلىق ساقتاۋ مەنەدجمەنتى» ماماندىعى ماماندىقتارى بويىنشا بىتىرگەن.
ەڭبەك جولىن 1990 -جىلى الماتى قالاسى № 7-ەمحاناسىنىڭ فەلدشەر-زەرتحاناشىسى بولىپ باستاعان. ءار جىلدارى رەسپۋبليكالىق سانيتارلىق ەپيدەميولوگيالىق ستانسياسىنىڭ ەپيدەميولوگ-دارىگەرى، دەنساۋلىق ساقتاۋ مينيسترلىگى سانيتارلىق-ەپيدەميولوگيالىق قاداعالاۋ كوميتەتىندە جەتەكشى مامان، باس مامان، ساراپشى، باسقارما باسشى قىزمەتتەرىن اتقاردى. سونىمەن بىرگە دەنساۋلىق ساقتاۋ مينيسترلىگى مەملەكەتتىك سانيتاريالىق- ەپيدەميولوگيالىق قاداعالاۋ كوميتەتىنىڭ ءتوراعاسى - ق ر باس مەملەكەتتىك سانيتاريالىق دارىگەرىنىڭ ورىنباسارى، دارىگەرى، تۇتىنۋشىلاردىڭ قۇقىقتارىن قورعاۋ اگەنتتىگىنىڭ باس مەملەكەتتىك سانيتاريالىق دارىگەرىنىڭ ورىنباسارى - ەپيدەميولوگيالىق قاداعالاۋ دەپارتامەنتىنىڭ ديرەكتورى، ۇلتتىق ەكونوميكا مينيسترلىگى تۇتىنۋشىلاردىڭ قۇقىقتارىن قورعاۋ كوميتەتىنىڭ ءبولىم باسشىسى بولىپ ەڭبەك ەتتى. دەنساۋلىق ساقتاۋ مينيسترلىگىنىڭ ستراتەگيالىق دامۋ جانە قوعامدىق دەنساۋلىق ساقتاۋ، قوعامدىق دەنساۋلىق ساقتاۋ ساياساتى دەپارتامەنتتەرىنىڭ ديرەكتورى، سونداي-اق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى، سانيتاريالىق-ەپيدەميولوگيالىق باقىلاۋ كوميتەتىنىڭ ءتوراعاسى، دەنساۋلىق ساقتاۋ ۆيتسە-ءمينيسترى، باس مەملەكەتتىك سانيتاريالىق دارىگەرى بولدى.
2024 -جىلعى شىلدە ايىنان باستاپ ق ر دەنساۋلىق ساقتاۋ مينيسترلىگىنىڭ «قوعامدىق دەنساۋلىق ساقتاۋ ۇلتتىق ورتالىعى» ش ج ق ر م ك باسقارما ءتوراعاسى لاۋازىمىندا قىزمەت اتقارىپ كەلدى.
سولتۇستىك قازاقستان وبلىسى تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ مىندەتىن اتقارۋشى بولىپ ءوڭىر باسشىسىنىڭ وكىمىمەن ەربولات بەكشەنوۆ تاعايىندالدى. وسى تاعايىنداۋعا دەيىن قىزىلجار سۋ قويمالارىندا ديرەكتور بولىپ قىزمەت ەتتى.
ەربولات بەكشەنوۆ 1973 -جىلى تۋعان، ورتالىق ازيا ۋنيۆەرسيتەتىن ەكونوميست ماماندىعى بويىنشا بىتىرگەن. ەڭبەك جولىن «بەكشەنوۆ» شارۋا- فەرمەرلىك قوجالىعى باسشىسىنىڭ ورىنباسارى بولىپ باستادى. «ەت» ج ش س- دە ماركەتينگ ءبولىمىنىڭ مەڭگەرۋشىسى، تايىنشا اۋدانىنداعى دونەتسك اۋىلدىق وكرۋگىنىڭ اكىمى، ءماملۇت قالاسى اكىمىنىڭ ورىنباسارى، ءماملۇت اۋدانى اكىمىنىڭ ورىنباسارى قىزمەتتەرىن اتقاردى. سونداي-اق س ق و اۋىل شارۋاشىلىعى جانە جەر قاتىناستارى باسقارماسىنىڭ باسشىسى، ايىرتاۋ اۋدانىنىڭ اكىمى لاۋازىمدارىن اتقارعان.
سونىمەن بىرگە، «قارجى ورتالىعى» اكسيونەرلىك قوعامىنىڭ ديرەكتورلار كەڭەسىنىڭ شەشىمىمەن باسقارما ءتوراعاسى بولىپ وتەلبايەۆا شولپان انۋاربەك قىزى سايلاندى.
شولپان وتەلبايەۆا ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ تۇلەگى. قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك قىزمەت اكادەمياسىندا جانە پەنسيلۆانيا ۋنيۆەرسيتەتىندە (ا ق ش) وقىدى. ەڭبەك جولىن ق ر تابيعي مونوپوليالاردى رەتتەۋ اگەنتتىگىندە ءبولىم باستىعى بولىپ باستادى (2004-2009 -جىلدار). 2009 -جىلدىڭ قىركۇيەگىنەن 2010 -جىلدىڭ ناۋرىزىنا دەيىن ق ر قارجى مينيسترلىگىنىڭ ينۆەستيتسيالىق جوبالار باسقارماسىنىڭ باستىعى بولىپ جۇمىس ىستەدى.
2010-2017 -جىلدارى - «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ باسقارما ءتوراعاسىنىڭ ورىنباسارى. 2017-2019 -جىلدارى - «قارجى ورتالىعى» ا ق ۆيتسە-پرەزيدەنتى. 2021 -جىلى - «ۇلتتىق دەنە شىنىقتىرۋ عىلىمي-پراكتيكالىق ورتالىعى» ر م ك ۆيتسە-پرەزيدەنتى. 2022 -جىلدىڭ تامىزىنان 2024 -جىلدىڭ تامىزىنا دەيىن - «Talap» كوممەرتسيالىق ەمەس اكسيونەرلىك قوعامىنىڭ پرەزيدەنتى بولعان.
«ەرتىس» كلۋبىنىڭ سپورت ديرەكتورى قىزمەتىنە كونستانتين گوروۆەنكو تاعايىندالدى.
ونى قازاقستاندىق فۋتبول جانكۇيەرلەرىنە «قايرات»، «قاينار»، «جەڭىس»، «الما-اتا»، «سۇڭقار»، «مەگاسپورت» سىندى كلۋبتارى جانە قازاقستان قۇراماسىنىڭ ويىنشىسى رەتىندە جاقسى تانيدى. باپكەرلىك مانسابىندا «سۇڭقار»، «جەتىسۋ»، «شاحتەر»، «اتىراۋ» جانە «كاسپي» كلۋبتارىنا باسشىلىق جاسادى.
سونداي-اق «قايراتتىڭ» جاستار كومانداسىمەن 2017 -جىلى قازاقستان ءبىرىنشى ليگاسىنىڭ قولا جۇلدەگەرى بولدى. 2021 -جىلى «ماقتاارال» كومانداسىمەن ءبىرىنشى ليگانىڭ كۇمىس جۇلدەسىنە قول جەتكىزىپ، پرەمەر-ليگاعا جولداما الدى. ول بيىل «اتىراۋ» كومانداسىندا باس باپكەر بولدى. كوماندانىڭ كورسەتكىشىنىڭ تومەن بولۋىنا بايلانىستى اتالعان قىزمەتىنەن كەتۋگە ءماجبۇر بولدى.
ال «ورداباسى» كلۋبىنىڭ سپورت ديرەكتورى لاۋازىمىنا تاڭات نوسەربايەۆ تاعايىندالدى.
تاڭات نوسەربايەۆ - وڭتۇستىك فۋتبول مەكتەبىنىڭ تۇلەگى. فۋتبولشى كاسىبي مانسابىن اتالعان كلۋبتىڭ فارم-كومانداسىنان باستاعان. كەيىن 2011 -جىلدان باستاپ ەل بىرىنشىلىگىندەگى «لوكوماتيۆ» كومانداسىندا دوپ تەپتى. ارتىنشا كلۋبتىڭ اتاۋى «استاناعا» اۋىستى. نوسەربايەۆ 2013 -جىلى ەلوردالىقتاردىڭ كاپيتانى بولدى. ەلوردالىق كوماندا ساپىندا ءۇش دۇركىن ەل چەمپيونى اتانىپ، ءبىر رەت قازاقستان كۋبوگىن يەلەنگەن.
2017-2018 -جىلدارى قايتادان «ورداباسى» كومانداسىندا دوپ تەپتى. 2018 -جىلى «توبىل» كومانداسىنا جالعا بەرىلدى. ءبىر جىلدان سوڭ «وقجەتپەس» جەيدەسىندە ونەر كورسەتتى. 2008 -جىلى 11-قازان كۇنى «ۋەمبليدە» انگلياعا قارسى تۇڭعىش رەت قازاقستان قۇراماسى ساپىندا الاڭعا شىقتى. 2009 -جىلى 10-ماۋسىم كۇنى سىرت الاڭدا ۋكراينا قاقپاسىنا ءبىرىنشى گولىن سوقتى. بۇل ەكى ويىن دا 2010 -جىلعى الەم چەمپيوناتىنا ىرىكتەۋ تۋرنيرى اياسىنداعى كەزدەسۋ بولاتىن. 2014 -جىلى 12-تامىز كۇنى الماتىدا تاجىكستانعا قارسى جولداستىق كەزدەسۋدە كاپيتان رەتىندە الاڭعا شىقتى. ال 2017 -جىلى 10-ماۋسىم كۇنى الماتىداعى دانياعا قارسى 2018 -جىلعى الەم چەمپيوناتىنا ىرىكتەۋ اياسىنداعى ويىندا سوڭعى رەت قۇراما ساپىندا الاڭعا شىقتى.
اۆتور
ايجان سەرىكجان قىزى
