قازاقستاندا ارتىستەرگە بەيادەپ ارەكەتتەرى ءۇشىن ايىپپۇل سالىنباق
استانا. KAZINFORM - مادەنيەت جانە اقپارات مينيسترلىگى ادەپسىز، وقا مىنەز- قۇلىق تانىتىپ، سونداي-اق بالاعات سوزدەر ايتىپ نەمەسە ماس كۇيىندە ساحناعا شىققانى ءۇشىن ارتىستەردى جاۋاپقا تارتۋدى ۇسىنىپ وتىر.
بۇيرىققا سايكەس، ءارتىستىڭ مادەني- بۇقارالىق ءىس-شارالار بارىسىندا كورەرمەندەرگە ورىنسىز، ادەپسىز، دورەكى مىنەز-قۇلقى، بالاعات سوزدەردى قولدانۋدا، الكوگولدىك ىشىمدىكتەردى ىشۋدە، الكوگولدىك نەمەسە ەسىرتكىلىك ماس كۇيىندە، سونداي-اق پسيحوتروپتىق زاتتاردىڭ، ولاردىڭ بالامالارى مەن پرەكۋرسورلارىن قولدانعانى ءۇشىن جەكە تۇلعالارعا 150 ا ە ك (ايلىق ەسەپتىك كورسەتكىش)، زاڭدى تۇلعالارعا 300 ا ە ك مولشەرىندە ايىپپۇل قاراستىرىلعان.
اتالعان بۇزۋشىلىقتار قايتالانعان جاعدايدا ءبىر جىل ىشىندە جەكە تۇلعالار ءۇشىن ايىپپۇل 200 ا ە ك جانە زاڭدى تۇلعالار ءۇشىن 600 ا ە ك- كە دەيىن وسەدى.
قۇجات «اشىق ن ق ا» سايتىندا ورنالاستىرىلعان.
